Back
| DalaNews

Тоқаев коронавируспен күрескен дәрігерлерге сыйақы тағайындайды

Президент олардың қажырлы еңбегі үшін алғыс білдірді.


Қазақстан Президенті Қасым-Жомарт Тоқаев коронавирустық індет кезінде еңбек етіп жатқан дәрігерлерге алғысын білдірді, деп хабарлайды Dalanews.kz.

“Коронавирусты анықтау, науқастарды емдеу және вирустың одан әрі таралмауы үшін аянбай еңбек етіп жатқан дәрігерлерге алғыс айтамын. Үкімет осындай қызметкерлерге сыйақы беру шараларын қабылдайды”, деп жазды Президент Twitter-дегі парақшасында.

Бұған дейін Алматыда коронавирустық инфекцияның тағы екі жағдайы анықталғаны хабарланған.

Қазір елде ауруды жұқтырғандардың жалпы саны – 35 адам.

Алматыда коронавирустық инфекцияның тағы екі жағдайы тіркелді. Бүгінгі таңда елімізде коронавирус бойынша 35 жағдай расталды. Олардың 17-сі – Алматыда, 18-сі – Нұр-Сұлтан болған, деп хабарлады Денсаулық сақтау министрлігінің баспасөз қызметі.

Тағы оқыңыз:

Нұр-Сұлтанда коронавирустың 14 дерегі анықталды. Бұлар кімдер?