2026 жылғы қыркүйекте Қазақстандағы жеке тұлғалардың депозиттері 0,2 пайызға өсіп, 28,604 трлн теңгеге жетті. Өсім негізінен ұлттық валютадағы салымдардың артуы есебінен қалыптасты, деп хабарлайды dalanews.kz.
Ұлттық валютадағы депозиттер бір айда 1,6 пайызға өсіп, 24,518 трлн теңгені құрады. Ал шетел валютасындағы салымдар 7,3 пайызға азайып, 4,087 трлн теңгеге дейін төмендеді. Мерзімді депозиттердің жалпы көлемі 41,065 трлн теңгеге жетті. Қыркүйек айында бұл көрсеткіш 1,6 пайызға өскен.
Оның ішінде ұлттық валютадағы салымдар 34,556 трлн теңгені, ал шетел валютасындағы депозиттер 6,509 трлн теңге болды. Сонымен қатар жеке тұлғалардың депозиттері бойынша сыйақының орташа алынған мөлшерлемесі 0,1 пайыздық тармаққа өсіп, 14,7 пайыз болды.
