2026 жылғы қазанда Қазақстандағы іскерлік белсенділік индексі 51,1-ге жетті. Қыркүйекпен салыстырғанда бірнеше салада өсім байқалды. Алайда тау-кен өнеркәсібінде керісінше төмендеу тіркелді, деп хабарлайды dalanews.kz.
Іскерлік белсенділіктің жақсаруы тау-кен өндірісінен басқа барлық секторда байқалды. Бұл саладағы индекс қазанда 48,5 болды. Қыркүйекте ол 48,9 деңгейінде еді. Сауда саласында іскерлік белсенділік индексі биыл алғаш рет бейтарап деңгейден (50) асып, 50,4-ке жетті. Қыркүйекте бұл көрсеткіш 48,6 болған.
Қызмет көрсету саласында индекс 52,3-ті, құрылыста 51,7-ні, ал өңдеу өнеркәсібінде 51,1-ді құрады. Қыркүйекте бұл көрсеткіштер тиісінше 51,0, 50,9 және 52,1 болған. Сонымен қатар 2026 жылғы қазанда бизнес-климат индексі 12,5-ке дейін өсті. Кәсіпкерлердің бизнестің қазіргі жағдайына берген бағасы да, алдағы кезеңге қатысты болжамы да жақсарған.
