2026 jylǵy qazanda Qazaqstandaǵy iskerlik belsendilik indeksi 51,1-ge jetti. Qyrkúiekpen salystyrǵanda birneshe salada ósim baiqaldy. Alaida taý-ken ónerkásibinde kerisinshe tómendeý tirkeldi, dep habarlaidy dalanews.kz.
Iskerlik belsendiliktiń jaqsarýy taý-ken óndirisinen basqa barlyq sektorda baiqaldy. Bul saladaǵy indeks qazanda 48,5 boldy. Qyrkúiekte ol 48,9 deńgeiinde edi. Saýda salasynda iskerlik belsendilik indeksi biyl alǵash ret beitarap deńgeiden (50) asyp, 50,4-ke jetti. Qyrkúiekte bul kórsetkish 48,6 bolǵan.
Qyzmet kórsetý salasynda indeks 52,3-ti, qurylysta 51,7-ni, al óńdeý ónerkásibinde 51,1-di qurady. Qyrkúiekte bul kórsetkishter tiisinshe 51,0, 50,9 jáne 52,1 bolǵan. Sonymen qatar 2026 jylǵy qazanda biznes-klimat indeksi 12,5-ke deiin ósti. Kásipkerlerdiń biznestiń qazirgi jaǵdaiyna bergen baǵasy da, aldaǵy kezeńge qatysty boljamy da jaqsarǵan.
