Qazaqstan Aziia damý bankinen (ADB) 3,4 mlrd iýan kóleminde qaryz tartpaq. Qaryz 15 jyl merzimge beriledi. Bul týraly Quryltaidyń baspasóz qyzmeti habarlady, dep habarlaidy dalanews.kz.
Búgin Quryltai depýtattary Aziia damý bankimen jasalǵan qaryz týraly kelisimdi ratifikatsiialaý jónindegi zańdy eki oqylymda qabyldady. Qujatqa 11 qyrkúiekte qol qoiylǵan. Qujatqa sáikes, Qazaqstanǵa 3 mlrd 411 mln 350 myń qytai iýani kóleminde qaryz beriledi. Onyń ishinde úsh jyl jeńildik kezeńi qarastyrylǵan.
Qaryzdyń paiyzdyq mólsherlemesi SHIBOR kórsetkishine jáne ózgermeli ústemege bailanysty belgilenedi. Al igerilmegen qarajat úshin jyldyq 0,15 paiyz kóleminde rezervteý komissiiasy alynady. Kelisimde kórsetilgen bastapqy paiyzdyq mólsherleme – 1,69 paiyz.
Aziia damý bankinen tartylatyn qarajat áleýmettik salany, kólik infraqurylymyn, ónerkásipti, bilim berýdi jáne basqa da basym baǵyttardy qarjylandyrýǵa jumsalady.
