Jańa áleýmettik nysandar salý, sharýalarǵa qoljetimdi nesie berý jáne kásipkerlikti qoldaý máseleleri Taldyqorǵan qalasyndaǵy Dostyq úiinde ótken kezdesýdiń negizgi taqyryptaryna ainaldy. Memleket basshysynyń «Jańa tarihi kezeńdegi Qazaqstannyń ózekti mindetteri» atty Joldaýyn iske asyrýǵa arnalǵan bul jiynda depýtattyq korpýs pen Úkimet ókilderi Jetisý oblysynyń jurtshylyǵymen kezdesip, josparlanǵan sharalardy túsindirip, turǵyndardyń usynys-pikirlerin tyńdady, dep habarlaidy dalanews.kz.
Kezdesýge Qazaqstan Respýblikasy Quryltaiynyń depýtaty Ekaterina Smoliakova, Qazaqstan Halyq Keńesiniń múshesi Qairat Kereev, Aýyl sharýashylyǵy vitse-ministri Nazgúl Hatepova jáne Qarjy vitse-ministri Dáýren Temirbekov qatysty. Basqosýǵa óńirdegi etnomádeni birlestikter men qoǵamdyq uiymdardyń ókilderi de jinaldy.
Jiynda Joldaýda aiqyndalǵan mindetterdiń is júzindegi mańyzyna, atap aitqanda, infraqurylymdy damytý, otandyq óndiristi qoldaý jáne halyqtyń ómir súrý sapasyn arttyrý máselelerine erekshe nazar aýdaryldy.
Ekaterina Smoliakova jariialanǵan Jalpyulttyq qurylys jyly tek jańa ǵimarattar salýmen shektelmeitinin, infraqurylymdy jańǵyrtýdy jáne halyqqa qajetti áleýmettik nysandardy salýdy qamtitynyn atap ótti.
– Óńirlerge jasaǵan saparlar barysynda biz bul qajettilikterdi óz kózimizben kórip, turǵyndardyń óz aýzynan estip júrmiz. Keibir jerlerde erekshe qajettigi bar balalarǵa arnalǵan ońaltý jáne túzetý ortalyqtary qajet bolsa, endi bir eldi mekenderde balalardyń sportpen shuǵyldanýyna jaǵdai jasalmaǵan. Sondyqtan árbir jańa nysannyń artynda naqty maqsat turýy tiis. Iaǵni qajetti kómektiń qoljetimdiligin arttyrýǵa, balalardyń jan-jaqty damýyna múmkindik jasaýǵa jáne halyqtyń kúndelikti ómir súrý sapasyn jaqsartýǵa baǵyttalady, – dedi depýtat.
Sondai-aq depýtat Jetisý oblysyndaǵy týristik infraqurylymdy damytý máselelerine toqtaldy. Onyń aitýynsha, paraplanerizm alańyna aparatyn jolǵa qatysty ótinishterden keiin ainalma jol salý týraly sheshim qabyldanǵan. Budan bólek, Alakól mańyndaǵy Jetisý men Abai oblystaryn bailanystyratyn joldyń problemalyq ýchaskesine qatysty tiisti jumystar júrgizilýde.
Kezdesýdiń mańyzdy bóligi aýyl sharýashylyǵyn damytýǵa arnaldy. Aýyl sharýashylyǵy vitse-ministri Nazgúl Hatepova ótken jyly ósimdik sharýashylyǵyn jeńildetilgen qarjylandyrýǵa bir trillion teńge bólingenin jetkizdi. Bul qoldaý sharýalarǵa egis jáne egin jinaý naýqandaryna daiyndalýǵa, qajetti materialdar satyp alýǵa, tehnikany jańartýǵa múmkindik beredi.
– Endigi mindet – aýyl sharýashylyǵy taýaryn óndirýshilerge investitsiialyq maqsattarǵa arnalǵan uzaq merzimdi qarjylandyrýdyń qoljetimdiligi. Bul rette naqty óńirler úshin erekshe mańyzy bar nysandarǵa basymdyq beriledi, – dedi Nazgúl Hatepova.
Vitse-ministr Jetisýdaǵy qant qyzylshasyn óńdeý máselesine de toqtaldy. Biyl óńirde 13,5 myń gektar alqapqa qant qyzylshasy egilgen. Ónimdi jańǵyrtýdan ótken Kóksý jáne Aqsý qant zaýyttary qabyldaýda. Al Aqsý zaýytynyń tabiǵi gazǵa qosylýy óndiristik shyǵyndardy azaityp, ónimniń ózindik qunyn tómendetýge yqpal etedi.
Sonymen qatar júgeri egistigin ulǵaitý jáne ony tereń óńdeý baǵytyndaǵy múmkindikter talqylandy. Jambyl oblysynda qytailyq investorlarmen birlesip qurylǵan kásiporyn Jetisý sharýalary úshin qosymsha ótkizý naryǵyn qalyptastyrmaq.
Nazgúl Hatepova sútti mal sharýashylyǵyn qoldaý sharalaryna da toqtaldy. Onyń málimetinshe, jeńildetilgen qarjylandyrý aiasynda júzden astam taýarly-sút fermasyn qurý josparlansa, sonyń 71-i paidalanýǵa berilgen. Sondai-aq aýyl sharýashylyǵyn tsifrlandyrý, sýbsidiia alý rásimderin jeńildetý jáne qaǵazbastylyqty azaitý máseleleri qozǵaldy.
Jiynda Jalpyulttyq qurylys jyly jergilikti kásipkerler úshin de jańa múmkindikter ashatyny aityldy. Jańa nysandardyń qurylysy qurylys materialdaryna, jabdyqtar men kólik qyzmetterine suranysty arttyryp, qosymsha jumys oryndaryn qurýǵa jáne biýdjet túsimderin ulǵaitýǵa yqpal etedi. Sonymen birge jobalardyń júzege asyrylýyna qoǵamdyq baqylaý júrgizýdiń mańyzdylyǵy atap ótildi.
Osylaisha, Dostyq úiinde ótken kezdesýde Prezident Joldaýynda aiqyndalǵan mindetter óńirdiń naqty qajettilikterimen ushtastyra otyryp talqylandy. Bul rette áleýmettik qyzmetterdiń qoljetimdiligin arttyrý, kásipkerlikti qoldaý jáne aýyl sharýashylyǵyn damytý baǵytyndaǵy naqty nátijeler halyqtyń ál-aýqatyn jaqsartýdyń mańyzdy kórsetkishteri bolmaq.
