Prezident joldaýyn iske asyrýdyń nátijesi qazaqstandyqtardyń kúndelikti ómirinen kórinis tabýy tiis. Bul – joldyń sapasy, bilim berý men meditsinalyq qyzmettiń qoljetimdiligi, halyq tabysynyń ósýi, azamattardyń quqyǵyn qorǵaý men zamandyq tehnologiialardy engizý. Memleket basshysy alǵa qoiǵan mindetti qalai júzege asyrýǵa bolady jáne reformalardy tabysty júrgizý úshin ne qajet? Óńirlik kommýnikatsiialar qyzmetinde ótken Qasym-Jomart Toqaevtyń «Qazaqstannyń jańa tarihi kezeńindegi ózekti mindetter» atty joldaýynyń negizgi basymdyqtaryna arnalǵan brifingte osy másele talqylandy, dep habarlaidy dalanews.kz.
Talqylaýǵa ǵylymi jáne sarapshylyq qaýymdastyq ókilderi qatysyp, el damýynyń negizgi baǵyttaryn ekonomika, quqyq, memlekettik basqarý, bilim berý jáne qoǵamdyq qundylyqtar turǵysynan qarastyrdy.
Abai atyndaǵy Qazaq ulttyq pedagogikalyq ýniversitetiniń gýmanitarlyq ǵylymdar kafedrasynyń aǵa oqytýshysy Talǵat Janysbaidyń pikirinshe, biylǵy joldaý aýqymdy saiasi ózgeris kezeńinen ekonomikalyq jáne áleýmettik mindetterdi is júzinde sheshý kezeńine kóshýdi aiqyndaidy.
Sarapshy mańyzdy baǵyttardyń biri retinde injenerlik jelilerdi jańǵyrtýdy, jol, mektep pen meditsinalyq mekeme salýdy kózdeitin «Halyqtyq qurylys» jalpyulttyq baǵdarlamasyn atady. Mundai jobalar infraqurylymdy jaqsartyp qana qoimai, qosymsha jumys ornyn ashyp, kásipkerlikti qoldap, óńirlerdiń damýyna serpin berýge múmkindik beredi. Sonymen qatar energetikalyq qaýipsizdik, tehnologiialardy engizý jáne halyqtyń naqty tabysyn arttyrý máseleleri de erekshe mańyzǵa ie.
«Halyq reformalardyń nátijesin tek salynǵan nysandardyń sanymen ǵana emes, tabystyń ósýi, sapaly joldar, qoljetimdi meditsina men bilim berý, sondai-aq erteńgi kúnge degen senimdilik arqyly sezinýi kerek. Joldaýdyń júzege asyrylý tiimdiligi dál osy kórsetkishter boiynsha baǵalanatyn bolady», – dep atap ótti Talǵat Janysbai.
Qazaqstannyń Halyq diplomatiiasy ortalyǵynyń vitse-prezidenti, Qazaqstan Azamattyq aliansy prezidentiniń keńesshisi Vitalii Koltochnik ekonomikalyq ózgeristerdiń áleýmettik qyryna nazar aýdardy. Onyń aitýynsha, eldiń odan ári damýy memlekettik qoldaýdy ádil bólýmen jáne azamattardyń óz betinshe tabys tabý múmkindigin keńeitýmen qatar júrýi tiis.
Bul úderiste tsifrlandyrý mańyzdy ról atqarady. Otbasynyń tsifrlyq kartasyn paidalaný azamattardyń muqtajdyq deńgeiin dálirek anyqtaýǵa múmkindik berse, jasandy intellekt tehnologiialary infraqurylym men memlekettik resýrsty basqarýdyń tiimdiligin arttyra alady.
Koltochnik taǵy bir mańyzdy baǵyt retinde «Taza Qazaqstan» bastamasyn atady. Onyń pikirinshe, bul bastama ekologiialyq baǵdarlama ǵana bolyp qalmai, qoǵamdyq sanany ózgertýge negiz bolýy tiis.
«Naǵyz tazalyq oi-sanadan bastalady. Eger adamdardyń sanasynda, basqarý kabinetterinde eski ádet saqtalsa, ozyq tehnologiialyq ekonomikany qurý múmkin emes. Jańa kezeńde „Taza Qazaqstan“ memlekettik jáne qoǵamdyq ómirdiń barlyq salasyn aýqymdy túrde jańartýdy bildiredi», – dedi Vitalii Koltochnik.
Azamattardyń quqyǵyn qorǵaý men zańnamany jetildirý máselesine ál-Farabi atyndaǵy Qazaq ulttyq ýniversitetiniń zań fakýltetiniń aǵa oqytýshysy Qanat Álihan da toqtaldy. Onyń pikirinshe, tsifrlyq ekonomika men kásipkerlikti damytý quqyqtyq tetikterdi jańartýdy talap etedi. Bul rette Azamattyq kodeksti jetildirýge, menshik quqyǵyn qorǵaýǵa, sharttyq mindettemeniń oryndalýy men onlain mámile jasar kezde azamattardyń quqyǵyn qamtamasyz etýge erekshe nazar aýdarý qajet.
Sonymen birge zańnamalyq ózgerister halyqqa túsinikti bolyp, azamattardyń óz múddesin qorǵaýǵa naqty múmkindigi bolýy kerek.
