2 qarashadan bastap Almaty turǵyndary «Jasyl aýla» aktsiiasy aiasynda 10 túpke deiin japyraqty aǵash kóshetin tegin alýǵa ótinim bere alady. Kóshetter kópqabatty turǵyn úilerdiń aýlasyn jáne basqa da qoǵamdyq aýmaqtardy kógaldandyrýǵa arnalǵan. Bul týraly Almaty qalasy Ekologiia jáne qorshaǵan orta basqarmasynyń ókilderi málimdedi, dep habarlaidy dalanews.kz.
Aktsiiaǵa qatysýshylar egilgen aǵashtarǵa úsh jyl boiy kútim jasaý mindettemesin alýǵa tiis.
Ótinim 2026 jyly 2-15 qarasha aralyǵynda zhasyl.aula2026@mail.ru elektrondyq poshtasy arqyly qabyldanady.
Aktsiiaǵa qatysý úshin ótinimde aty-jónin, bailanys derekterin, aǵash egiletin jerdiń naqty mekenjaiyn jáne qajetti kóshetter sanyn kórsetý qajet. Sondai-aq mamandar otyrǵyzý ornyn baǵalai alýy úshin tańdalǵan aýmaqtyń birneshe fotosýretin, múmkindiginshe panoramalyq túsirilimderin qosa tirkeý kerek. Fotosýreti joq ótinim qaralmaidy.
Kóshetterdi taratý 21-22 qarasha kúnderi Tájibaev kóshesi, 155a mekenjaiynda josparlanǵan.
Aǵashtardy otyrǵyzǵannan keiin qatysýshylar egilgen kóshetter týraly fotoesep joldaýy qajet.
Aktsiia jeke turǵyn úi qurylysy aýmaqtaryndaǵy úilerdiń turǵyndaryna, sondai-aq zańdy tulǵalarǵa arnalmaǵan.
Qosymsha aqparatty Almaty qalasy Ekologiia jáne qorshaǵan orta basqarmasynyń Jasyl qordy monitoringteý jáne basqarý bóliminen +7 747 181 06 47 telefony arqyly alýǵa bolady (jumys kúnderi saǵat 09:00-den 18:00-ge deiin).
