Almaty taý klasterin damytý jobasy aiasynda Kimasar shatqalynda 1 500 jataǵan shyrshasyn otyrǵyzý jónindegi ekologiialyq aktsiia ótti. Bul is-sharaǵa Almaty qalasy ákiminiń orynbasary Oljas Smaǵulov, ekologiialyq uiymdar, biznes, sport jáne mádeniet qaýymdastyǵynyń ókilderi, sondai-aq belsendi jastar men turǵyndar qatysty. Olar Almatynyń tabiǵi murasyn saqtaý degen ortaq maqsat tóńireginde birikti, dep habarlaidy dalanews.kz.
Oljas Smaǵulov atalǵan aktsiia Almaty taý klasteriniń zamanaýi týristik infraqurylymyn damytýmen qatar júrgizilip jatqan taýly aýmaqtardy kógaldandyrý boiynsha júieli jumystyń jalǵasy ekenin atap ótti.
- Búgin Almaty taý klasterin damytý jobasy aiasynda úlken aktsiia ótip jatyr. Beijai qalmai kelgen barlyq azamattarǵa alǵysymdy bildiremin. Munda 500-ge jýyq adam jinaldy jáne 1,5 myń shyrsha otyrǵyzyldy. Bul osyndai úshinshi joba. Aldaǵy ýaqytta da osyndai aktsiialardy ótkizip otyramyz, - dedi Almaty ákiminiń orynbasary.
Biyl qazan aiynyń ózinde Almatynyń taýly aýmaǵynda shamamen 4 myń qylqan japyraqty aǵash otyrǵyzyldy. Máselen, 3 qazanda Kókjailaýda 2 myńǵa jýyq jataǵan (shrenk) shyrshasy otyrǵyzylsa, 17 qazanda «Shymbulaq» taý kýrortynyń aýmaǵynda 500-den astam tian-shan shyrshasy egildi. Kimasar shatqalynda taǵy 1,5 myń aǵash otyrǵyzý - osy bastamanyń jalǵasy.
Ekologiialyq jaýapkershilik — Almaty taý klasterin damytýdyń negizgi qaǵidattarynyń biri. Joba halyqaralyq deńgeidegi týristik infraqurylymdy qurýmen qatar, aýmaqtardy kógaldandyrýǵa, biologiialyq áralýandyqty saqtaýǵa jáne taý ekojúieleriniń turaqtylyǵyn qamtamasyz etetin tabiǵatty qorǵaý sharalaryn qarastyrady.
Bostandyq aýdany komiýniti-ortalyǵynyń jetekshisi Aqarys Tórebekov qala jastary mundai aktsiialarǵa árdaiym belsendi qatysatynyn atap ótti. Onyń aitýynsha, mundai is-sharalar jastardyń óz qolymen aǵash otyrǵyzyp, ekologiialyq mádenietin kóterýge múmkindik beredi.
- Biz, Almaty jastary, aǵash otyrǵyzýǵa baǵyttalǵan aktsiiadan syrt qalmai, belsendi qatysýǵa keldik. Bul ýaqytymyzdy kóńildi ári paidalý ótkizýdiń keremet múmkindigi. Árdaiym qalany kórkeitýge, qorshaǵan ortany qorǵaýǵa arnalǵan jumystarǵa qýana qatysamyz, - dedi ol.
Is-sharaǵa Aziia oiyndarynyń taekvondodan el tarihyndaǵy tuńǵysh chempiony Temirlan Tileýles te qatysty. Ol taýly aimaqty kógaldandyrýǵa arnalǵan aktsiianyń bir bóligine bolǵanyna qýanyshty ekenin aitty.
- Búkil Almaty úshin bul igi bastama. Aǵash otyrǵyzý arqyly biz tabiǵatty kórkeitip, aýanyń tazarýyna kishkene de bolsa, úles qosyp jatyrmyz. Adamdardyń osylai jinalyp, bir-birine kómek berip júrý de keremet kórinis, - dedi Aziada chempiony.
Sonymen qatar aktsiiaǵa Japoniiada ótken Aziia oiyndarynda halyq yqylasyna bólengen sportshy Iasmina Toqsanbaeva da óz úlesin qosty.
- Bizdiń jattyǵýymyzdyń bir bóligi árdaiym taýda ótedi. Jylyna eki ai biz taýda júgiremiz, jattyǵamyz. Sondyqtan onyń kórkeiip jatqanyna qýanyshtymyz. Almaty taýlarynyń meniń úiim deýge bolady, - dedi ol.
Aita ketken jón, kógaldandyrý úshin Almatynyń tabiǵi simvoldarynyń biri jáne Soltústik Tian-Shan ekojúielerin saqtaýda mańyzdy ról atqaratyn jataǵan shyrshasy tańdaldy. Óńirge tán aǵash túrlerin otyrǵyzý tabiǵi áralýandyqty qoldaýǵa yqpal etýde.
