Tedros Adanom Gebreiesýs 77 myń meditsina qyzmetkeriniń jalaqysyn kóterý jáne alǵashqy meditsinalyq-sanitariialyq kómekti damytý jónindegi sheshimdi atap ótti, dep habarlaidy dalanews.kz.
Dúniejúzilik densaýlyq saqtaý uiymynyń (DDSU) bas direktory Tedros Adanom Gebreiesýs Qazaqstannyń densaýlyq saqtaý men halyqtyń ál-aýqatyna baǵyttalǵan jumysyna joǵary baǵa berdi. Ol bul týraly áleýmettik jelidegi paraqshasynda jazdy.
DDSU basshysy Prezident Qasym-Jomart Toqaevtyń 77 myń meditsina qyzmetkeriniń jalaqysyn kóterý jónindegi bastamasyn atap ótti. Onyń aitýynsha, alǵashqy meditsinalyq-sanitariialyq kómekke investitsiia salý, jalpy praktika dárigerleriniń múmkindikterin keńeitý jáne meditsina kadrlaryn qoldaý meditsinalyq qyzmetterdiń sapasy men qoljetimdiligin arttyrýǵa yqpal etedi.
Tedros Adanom Gebreiesýs Qazaqstannyń «Barshaǵa arnalǵan densaýlyq» jahandyq tujyrymdamasyn qalyptastyrýdaǵy rólin de eske saldy. Osydan jarty ǵasyrǵa jýyq ýaqyt buryn bul ideia Almaty deklaratsiiasynda kórinis tapqan.
"50 jylǵa jýyq ýaqyt buryn Qazaqstan Almaty deklaratsiiasy arqyly «Barshaǵa arnalǵan densaýlyq» jahandyq tujyrymdamasyn qalyptastyrýǵa úles qosty. 2028 jyly osy qujattyń qabyldanǵanyna 50 jyl tolýyna orai, Qazaqstan atalǵan ideiany naqty iske asyrýdyń mańyzdy úlgisin kórsetýdi jalǵastyryp keledi. Densaýlyq saqtaý salasyndaǵy saiasi qoldaýdyń mańyzy zor. Úlgi kórsetip otyrǵany úshin Qazaqstanǵa alǵys aitamyn!", - dedi Gebreiesýs.
