Shymkent qalasynda turǵyn úi qurylysyna qatysty iri alaiaqtyq jasady degen kúdikpen halyqaralyq izdeýde júrgen er adam qolǵa tústi, dep habarlaidy dalanews.kz.
Ishki ister ministrliginiń málimetinshe, kúdikti sybailastarymen birge Astanada turǵyn úi keshenin salýǵa qarjy jinaǵan. Alaida qurylysqa qajetti ruqsat qujattary bolmaǵan ári joba memlekettik saraptamadan ótpegen.
Tergeý deregine sáikes, bul iske bailanysty 292 adam jábirlenýshi dep tanylǵan. Olarǵa keltirilgen jalpy shyǵyn 4 mlrd teńgeden asady.
Kúdikti uzaq ýaqyt boiy Shymkentte boi tasalap, izin jasyrý úshin jaldamaly páterlerin jii aýystyryp otyrǵan. Qazir ol ýaqytsha ustaý izoliatoryna qamaldy.
