Kaspii teńizinde júrgizilgen aýqymdy reid barysynda shekarashylar 11,5 keli esirtki zatyn tárkilep, zańsyz balyq aýlaýǵa paidalanylǵan ondaǵan shaqyrym tordy anyqtady, dep habarlaidy dalanews.kz.
Qazan aiynda Ulttyq qaýipsizdik komitetiniń Shekara qyzmeti ózge de memlekettik organdarmen birlesip, Kaspii teńiziniń akvatoriiasynda zańsyz áreketterdiń jolyn kesýge baǵyttalǵan tekserý sharalaryn júrgizdi.
Vedomstvo málimetinshe, bir ai ishinde zań talaptaryn buzǵan 126 adam ustalyp, 44 shaǵyn kólemdi keme toqtatylǵan. Sonymen qatar 11,5 keli esirtki zaty men brakonerler paidalanǵan 88 shaqyrym balyq aýlaý tory jáne ózge de quraldar tárkilengen.
Reid kezinde zańsyz aýlanǵan 2337 balyq, onyń ishinde bekire tuqymdas baǵaly balyqtar tabiǵi tirshilik ortasyna qaita jiberildi.
Zań buzýshylarǵa jalpy somasy 4,5 million teńgeden asatyn aiyppul salyndy.
Ulttyq qaýipsizdik komitetiniń málimetinshe, júrgizilgen sharalardyń nátijesinde memleketke kelýi múmkin 840 million teńgeden astam zalaldyń aldyn alýǵa múmkindik týǵan.
