Prezident Qasym-Jomart Toqaev "Halyqtyq qurylys" baǵdarlamasyna bólinetin biýdjet qarajatyn baqylaityn memlekettik komissiia qurý qajet ekenin málimdedi, dep habarlaidy dalanews.kz.
Memleket basshysynyń aitýynsha, komissiia baǵdarlamany júzege asyrýǵa baǵyttalǵan aqshanyń qaida jáne qalai jumsalyp jatqanyn qadaǵalaidy.
"28 qazan kúni dástúrli Joldaýymda aitqan “Halyqtyq qurylys” baǵdarlamasyn júzege asyrý barysynda biýdjet qarajatynyń jumsalýyn baqylaityn memlekettik komissiia qurý qajet dep sanaimyn", – dedi Prezident.
Qasym-Jomart Toqaev komissiia jumysyna memlekettik organdarmen qatar qoǵam ókilderi de tartylatynyn atap ótti.
"Komissiia quramyna birqatar salalyq vedomstvo basshylary, Quryltai men máslihattar depýtattary, Halyq keńesiniń músheleri, qoǵam qairatkerleri, belsendiler, volonterler men jýrnalister kiredi", – dedi Memleket basshysy
