Qazaqstandyq aralas jekpe-jek sheberi Qýat Hamitov Tájikstan astanasy Dýshanbede ótken ACA 209 týrnirindegi jeńisinen keiin erekshe áreketimen kópshiliktiń nazaryn aýdardy. Ol oktagonǵa Qazaqstan ulttyq fýtbol quramasynyń jeidesin alyp shyǵyp, otandyq fýtboldy qarjylandyrý máselesin kóterdi, dep habarlaidy dalanews.kz sports.kz-ke silteme jasap.
Týrnir aiasynda reseilik Aleksei Mahnomen kezdesken Hamitov jekpe-jekten keiin Qazaqstan fýtbolyna qomaqty qarjy bólingenimen, halyqaralyq arenada aitarlyqtai nátije joq ekenin synǵa aldy.
"Qazaqstan fýtbolǵa milliardtaǵan qarjy, tipti milliardtaǵan dollar bóledi. Biraq fýtbolshylarymyz halyqaralyq arenada eshqashan jeńiske jetken emes. Olardyń jeidesin de álem kórgen joq. Sondyqtan men Qazaqstan ulttyq quramasynyń týyn álemdik deńgeide kótergim keledi. Memleket maǵan milliondar men milliardtar bólmese de, tipti demeýshim bolmasa da, men ózimdi ózim qalyptastyrdym. Soǵan qaramastan, búgin osy jeide álemniń eń biik tuǵyrynda tursyn. Fýtbolda bolmasa da, eń bolmaǵanda MMA-da", - dedi Qýat Hamitov.
