قازاقستاندىق ارالاس جەكپە-جەك شەبەرٸ قۋات حاميتوۆ تەجٸكستان استاناسى دۋشانبەدە ٶتكەن ACA 209 تۋرنيرٸندەگٸ جەڭٸسٸنەن كەيٸن ەرەكشە ەرەكەتٸمەن كٶپشٸلٸكتٸڭ نازارىن اۋداردى. ول وكتاگونعا قازاقستان ۇلتتىق فۋتبول قۇراماسىنىڭ جەيدەسٸن الىپ شىعىپ, وتاندىق فۋتبولدى قارجىلاندىرۋ مەسەلەسٸن كٶتەردٸ, دەپ حابارلايدى dalanews.kz sports.kz-كە سٸلتەمە جاساپ.
تۋرنير اياسىندا رەسەيلٸك الەكسەي ماحنومەن كەزدەسكەن حاميتوۆ جەكپە-جەكتەن كەيٸن قازاقستان فۋتبولىنا قوماقتى قارجى بٶلٸنگەنٸمەن, حالىقارالىق ارەنادا ايتارلىقتاي نەتيجە جوق ەكەنٸن سىنعا الدى.
"قازاقستان فۋتبولعا ميللياردتاعان قارجى, تٸپتٸ ميللياردتاعان دوللار بٶلەدٸ. بٸراق فۋتبولشىلارىمىز حالىقارالىق ارەنادا ەشقاشان جەڭٸسكە جەتكەن ەمەس. ولاردىڭ جەيدەسٸن دە ەلەم كٶرگەن جوق. سوندىقتان مەن قازاقستان ۇلتتىق قۇراماسىنىڭ تۋىن ەلەمدٸك دەڭگەيدە كٶتەرگٸم كەلەدٸ. مەملەكەت ماعان ميلليوندار مەن ميللياردتار بٶلمەسە دە, تٸپتٸ دەمەۋشٸم بولماسا دا, مەن ٶزٸمدٸ ٶزٸم قالىپتاستىردىم. سوعان قاراماستان, بٷگٸن وسى جەيدە ەلەمنٸڭ ەڭ بيٸك تۇعىرىندا تۇرسىن. فۋتبولدا بولماسا دا, ەڭ بولماعاندا مما-دا", - دەدٸ قۋات حاميتوۆ.
