تەدروس ادانوم گەبرەيەسۋس 77 مىڭ مەديتسينا قىزمەتكەرٸنٸڭ جالاقىسىن كٶتەرۋ جەنە العاشقى مەديتسينالىق-سانيتارييالىق كٶمەكتٸ دامىتۋ جٶنٸندەگٸ شەشٸمدٸ اتاپ ٶتتٸ, دەپ حابارلايدى dalanews.kz.
دٷنيەجٷزٸلٸك دەنساۋلىق ساقتاۋ ۇيىمىنىڭ (ددسۇ) باس ديرەكتورى تەدروس ادانوم گەبرەيەسۋس قازاقستاننىڭ دەنساۋلىق ساقتاۋ مەن حالىقتىڭ ەل-اۋقاتىنا باعىتتالعان جۇمىسىنا جوعارى باعا بەردٸ. ول بۇل تۋرالى ەلەۋمەتتٸك جەلٸدەگٸ پاراقشاسىندا جازدى.
ددسۇ باسشىسى پرەزيدەنت قاسىم-جومارت توقاەۆتىڭ 77 مىڭ مەديتسينا قىزمەتكەرٸنٸڭ جالاقىسىن كٶتەرۋ جٶنٸندەگٸ باستاماسىن اتاپ ٶتتٸ. ونىڭ ايتۋىنشا, العاشقى مەديتسينالىق-سانيتارييالىق كٶمەككە ينۆەستيتسييا سالۋ, جالپى پراكتيكا دەرٸگەرلەرٸنٸڭ مٷمكٸندٸكتەرٸن كەڭەيتۋ جەنە مەديتسينا كادرلارىن قولداۋ مەديتسينالىق قىزمەتتەردٸڭ ساپاسى مەن قولجەتٸمدٸلٸگٸن ارتتىرۋعا ىقپال ەتەدٸ.
تەدروس ادانوم گەبرەيەسۋس قازاقستاننىڭ «بارشاعا ارنالعان دەنساۋلىق» جاھاندىق تۇجىرىمداماسىن قالىپتاستىرۋداعى رٶلٸن دە ەسكە سالدى. وسىدان جارتى عاسىرعا جۋىق ۋاقىت بۇرىن بۇل يدەيا الماتى دەكلاراتسيياسىندا كٶرٸنٸس تاپقان.
"50 جىلعا جۋىق ۋاقىت بۇرىن قازاقستان الماتى دەكلاراتسيياسى ارقىلى «بارشاعا ارنالعان دەنساۋلىق» جاھاندىق تۇجىرىمداماسىن قالىپتاستىرۋعا ٷلەس قوستى. 2028 جىلى وسى قۇجاتتىڭ قابىلدانعانىنا 50 جىل تولۋىنا وراي, قازاقستان اتالعان يدەيانى ناقتى ٸسكە اسىرۋدىڭ ماڭىزدى ٷلگٸسٸن كٶرسەتۋدٸ جالعاستىرىپ كەلەدٸ. دەنساۋلىق ساقتاۋ سالاسىنداعى ساياسي قولداۋدىڭ ماڭىزى زور. ٷلگٸ كٶرسەتٸپ وتىرعانى ٷشٸن قازاقستانعا العىس ايتامىن!", - دەدٸ گەبرەيەسۋس.
