Almaty oblysynyń Jambyl aýdanynda kámeletke tolmaǵan balalarǵa zańsyz dini sabaq ótkizgen azamat ákimshilik jaýapkershilikke tartyldy, dep habarlaidy dalanews.kz.
Oblystyq Din isteri basqarmasynyń málimetinshe, biyl 21 qazanda Uzynaǵash aýylynda túsken jedel aqparatty tekserý maqsatynda iývenaldyq politsiia, jergilikti politsiia qyzmeti, prokýratýra, oblystyq Din isteri basqarmasy, sondai-aq ishki saiasat jáne bilim bólimderiniń ókilderi birlesken reid júrgizgen.
Tekserý barysynda destrýktivti dini aǵymdy ustanýshy A. esimdi azamattyń jeke menshik nysanynda kámeletke tolmaǵan balalarǵa arab tili men Qurannan zańsyz sabaq ótkizip kelgeni anyqtalǵan.
Oqiǵa ornyna bilim bólimi men mektep ákimshilikteriniń úilestirýimen oqýshylardyń ata-analary shuǵyl túrde shaqyrylǵan.
Quqyqtyq baǵalaý nátijesinde balalarǵa zańsyz dini dáris ótkizgen azamat Qazaqstan Respýblikasynyń Ákimshilik quqyq buzýshylyq týraly kodeksiniń 490-baby 1-bóligi 1-tarmaǵyna sáikes ákimshilik jaýapkershilikke tartyldy.
Sonymen qatar kámeletke tolmaǵan balalardy tárbieleý jónindegi mindetterin oryndamaǵany úshin ata-analarǵa ÁQBtK-niń 127-baby aiasynda eskertý berildi.
Quqyq qorǵaý organdary bul baǵyttaǵy jumystar turaqty túrde jalǵasatynyn eskertti.
