Qazaqstanda jolaýshylar ushaqtaryna spýtniktik internet ornatý bastaldy. Air Astana áýe kompaniiasynyń Wi-Fi jelisi qosylǵan alǵashqy reisi 29 qazanda Almatydan Tashkentke ushty, dep habarlaidy dalanews.kz.
Ázirge internet qyzmeti tek bir ushaqta qoljetimdi. Qalǵan áýe kemelerin 2027 jyly qosý josparlanyp otyr.
31 qańtarǵa deiin jabdyqtalǵan ushaqtardyń barlyq jolaýshysy Wi-Fi jelisin tegin paidalana alady. Alaida 2027 jylǵy 1 aqpannan bastap internetke qol jetkizý sharttary ózgeredi.
Atap aitqanda, biznes-klass jolaýshylary men áýe kompaniiasynyń adaldyq baǵdarlamasyndaǵy Gold jáne Diamond mártebesiniń ielerine internet tegin usynylady.
Al adaldyq baǵdarlamasynyń basqa qatysýshylary tek messendjerlerdi tegin paidalana alady. Qalǵan jolaýshylarǵa internetke qosylý úshin aqy tóleýge týra keledi.
Ázirge aqyly internet qyzmetiniń tarifteri jariialanǵan joq.
