Qazaqstandaǵy ózenderdiń basym bóliginde lastaný belgileri anyqtalǵan. Keibir sý aidyndarynyń sýy ishýge ǵana emes, tipti egin sýarýǵa da jaramsyz. Bul týraly «Qazgidromet» RMK derekterinde kórsetilgen, dep habarlaidy dalanews.kz.
Mamandardyń málimetinshe, eń taza ózender qataryna Túrkistan oblysyndaǵy Aqsý men Qattybuǵyn, sondai-aq Almaty oblysyndaǵy Sharyn ózeni jatady. Al ózge sý nysandarynyń basym bóliginde ártúrli deńgeide lastaný baiqalady.
Eń lastanǵan ózenderdiń qatarynda mynalar bar:
- Sarybulaq – sý quramynda qalqyma zattar men hloridter anyqtalǵan;
- Nura – jalpy temir men qalqyma zattardyń mólsheri joǵary;
- Úlbi jáne Tihaia – myrysh pen basqa da aýyr metaldardyń kontsentratsiiasy joǵary;
- Tobyl jáne Obaǵan – mineraldaný deńgeii, qurǵaq qaldyq, hloridter men magnii mólsheri kóp;
- Aqmola oblysyndaǵy Aqsý, Qylshyqty, Kishi Qaraqoja, Soqyr jáne Keles ózenderinde de lastaný deńgeii joǵary.
Mamandardyń baǵalaýynsha, atalǵan ózenderdiń sýyn tek óndiristik qajettilikterge ǵana paidalanýǵa bolady. Al egin sýarýǵa jaramsyz.
Aita keteiik, sý nysandarynyń sapasy alty klasqa bólinedi. Birinshi klasqa eń taza sý aidyndary jatsa, altynshy klass qatty lastanǵan sý nysandaryn bildiredi. Osy jikteý arqyly ózen-kólderdegi sýdyń sapasy men lastaný deńgeii baǵalanady.
