Qazaqstandyqtar 195 mlrd teńgege jýyq aiyppul tóledi, dep habarlaidy dalanews.kz.
Aiyppuldardyń eń kóp somasy Almatyda tirkelse, eń azy Ulytaý oblysyna tiesili. Alaida jinalǵan qarajat mindetti túrde aiyppul salýǵa sebep bolǵan zańbuzýshylyqtardy joiýǵa jumsalmaidy.
2026 jylǵy qańtar-qyrkúiek aralyǵynda Qazaqstanda jalpy somasy 277,7 mlrd teńge bolatyn ákimshilik aiyppul salynǵan. Onyń 194,7 mlrd teńgesi óndirilgen. Bul statistikaǵa jol qozǵalysy erejelerin buzǵany úshin salynǵan aiyppuldar ǵana emes, azamattar, kásipkerler men kompaniialarǵa qatysty ózge de ákimshilik jazalar kiredi.
Ekonomist Rýslan Sultanov qai óńirlerde aiyppul somasy kóp ekenin jáne memleket jinalǵan qarajatty qaida jumsaitynyn taldady. Onyń pikirinshe, aiyppuldan túsken qomaqty qarjy azamattardyń tártibi nemese baqylaý júiesiniń tiimdiligi týraly ózdiginen eshteńe ańǵartpaidy.
Sarapshy memlekettiń qarajatty naqty nátijege qol jetkizý úshin jumsaýy kerektigin atap ótti.
«Memleket aqsha tappaidy. Ol sizderdiń ózderińiz tapqan qarajatty basqarady», – deidi ekonomist.
