Qazaqstanda halyq sany ósip keledi. Ulttyq statistika biýrosynyń dereginshe, 2026 jylǵy 1 qazanda el turǵyndarynyń sany 20 633 529 adamǵa jetken. Bul bir ai burynǵy kórsetkishpen salystyrǵanda 14 733 adamǵa kóp, dep habarlaidy dalanews.kz.
Resmi málimet boiynsha, 1 qyrkúiekte Qazaqstanda 20 618 796 adam turǵan. Osylaisha, bir ai ishinde el halqynyń sany taǵy ósken.
Qazir Qazaqstan turǵyndarynyń basym bóligi qalalarda turady. Qala halqynyń sany 13 254 158 adam bolsa, aýyl turǵyndarynyń sany 7 379 371 adamdy quraǵan. Iaǵni el halqynyń 64,2 paiyzy qalada, al 35,8 paiyzy aýyldyq jerlerde ómir súredi.
Halyq sany boiynsha Almaty qalasy birinshi orynda tur. Munda 2 348 103 adam turady. Ekinshi orynda 1 639 176 turǵyny bar Astana qalasy ornalasqan. Al úshinshi orynǵa 1 294 050 adam turatyn Shymkent qalasy jaiǵasqan.
Oblystar arasynda Túrkistan óńiri kósh bastap tur. Munda 2 149 205 adam tirkelgen. Odan keiin Almaty oblysy 1 596 532 turǵynmen ekinshi orynda bolsa, Jambyl oblysynda 1 215 656 adam turady.
Al Qazaqstandaǵy halyq sany eń az óńir – Ulytaý oblysy. Resmi statistikaǵa sáikes, munda barlyǵy 219 049 adam turady.
