Túrkistan oblysynda joldy jarys alańyna ainaldyrǵan 6 júrgizýshi jazalandy, dep habarlaidy dalanews.kz.
Áleýmettik jelilerge monitoring júrgizý barysynda politseiler júrgizýshiler jol qozǵalysy erejelerin óreskel buzyp, qaýipti manevr jasap, ainalasyndaǵylardyń ómirine qater tóndirgen videony anyqtaǵan.
Politsiia qyzmetkerleri jedel áreket etip, quqyqbuzýshylyqqa qatysy bar 6 júrgizýshini anyqtady. Olar 18 ben 32 jas aralyǵyndaǵy turǵyndar bolyp shyqty.
Tekseris barysynda keibir kólikterge zańsyz qurylǵylar ornatylǵany, al birqatar júrgizýshi memlekettik tirkeý nómirinsiz kólik basqarǵany belgili boldy. Bul is boiynsha 14 ákimshilik hattama toltyrylyp, zańsyz ornatylǵan stroboskoptar tárkilendi. Kólikter aiypturaqqa qoiyldy.
