Almatyda turǵyn úide mefedron óndiretin esirtki zerthanasy joiyldy, dep habarlaidy dalanews.kz.
Jedel ýákilderdiń nazaryna kópqabatty turǵyn úi kesheninde "mefedron" esirtkisin daiyndaý arqyly esirtki biznesin jolǵa qoiǵan qalanyń 34 jastaǵy turǵyny ilikken.
Shaǵyn zerthanany kórshilerdiń kúdigin týdyrmaý úshin ǵimarattyń eń joǵarǵy qabatyna ornalastyryp, aýa sorǵyshyn úidiń jeldetý shahtasyna qosqan.
"Páterdi tintý kezinde bir keli daiyn ónim, kristaldary bar alty shyny naýa, dihlormetan quiylǵan alty bótelke, reaktivteri bar toǵyz kanistr, zerthanalyq ydystar, elektron tarazylar jáne jeke qorǵanysqa arnalǵan kiim tabyldy. Tárkilengen esirtkiniń jalpy salmaǵy 4,5 keli boldy", - dedi IIM esirtki qylmysyna qarsy is-qimyl komitetiniń basqarma bastyǵy Baqytjan Ámirhanov.
Esirtkini uiymdastyrý jáne óndirý deregi boiynsha Qylmystyq kodekstiń 297-1-babyna sáikes sotqa deiingi tergep-tekserý bastaldy. Kúdikti ómir boiyna bas bostandyǵynan aiyrylýy múmkin.
