Ózbekstan azamattary Shymkentten Túrkiiaǵa 227 mln teńgeniń altynyn zańsyz alyp ótpek bolǵan, dep habarlaidy dalanews.kz.
Sot úkimi shyqqanǵa deiin quny 227,8 mln teńge bolatyn 2,8 kelige jýyq altyn memleket paidasyna tárkilendi. Bul sheshim Bas kólik prokýratýrasynyń ótinishhattary negizinde qabyldanǵan.
Ózbekstan azamattary baǵaly metaldy Shymkent áýejaiy arqyly Túrkiiaǵa zańsyz alyp ketpek bolǵan. Altyndy keden baqylaýynan jasyrý úshin onyń bólshekterin shabadandardyń ishki astaryna jáne júk qaptamalaryna jasyrǵan.
Kúdiktilerge halyqaralyq izdeý jariialandy. Sotqa deiingi tergep-tekserý amaldary jalǵasyp jatyr.
