Elordada tyiym salynǵan zattardy saqtady jáne taratty degen kúdikpen shetel azamattary ustaldy, dep habarlaidy dalanews.kz.
Astanada jedel izdestirý is-sharalary barysynda politsiia qyzmetkerleri esirtki qylmystaryna qarsy is-qimyl komitetimen birlesip, qala prokýratýrasynyń úilestirýimen tyiym salynǵan zattardy zańsyz saqtady jáne taratty degen kúdikpen 21 jáne 37 jastaǵy eki shetel azamatyn anyqtap, ustady.
Tekseris barysynda kúdiktiler mingen Changan kóliginiń salonynan chemodan tabyldy. Onyń ishinen esirtki zatyna uqsas zat salynǵan úsh paket, sondai-aq, suiyq konsistentsiia quiylǵan, kapsýlalarǵa bólinip salynǵan zattar anyqtaldy. Olar esirtkige jatatyny kórsetilgen.
Budan bólek, ustalǵandardyń biriniń sómkesinen de osyǵan uqsas zattar tabyldy. Barlyǵy bir keliden asa zat tárkilendi. Bul derek boiynsha qylmystyq is qozǵaldy. Eki kúdikti de ýaqytsha ustaý izoliatoryna qamaldy.
