Oralda toi kortejine qatysýshylar jazalandy, dep habarlaidy dalanews.kz.
Áleýmettik jelige júrgizilgen monitoring barysynda Oral qalasynda úilený toiyna arnalǵan kortej qozǵalysy kezinde jastar kólik terezesinen basy men denesin shyǵaryp turǵany beinelengen video anyqtalǵan. Jazbada "Gýlianka osylai bola ma, qalai?" degen jazý bolǵan.
Beinejazbany zerdeleý barysynda kortej Oral qalasyndaǵy kópirde júrgeni, sol sátte jolda ózge de kólikter bolǵany baiqalǵan. Sondai-aq, Pýgachev kóshesinen Mahambet - Isatai kóshesine burylatyn qiylysta kortejdegi jastar kólik terezesinen denesin shyǵaryp, qoldarymen túrli qimyldar jasaǵany, al júrgizýshi qaýipti manevrlerge barǵany beinejazbada tirkelgen.
"Bul áreketter qala turǵyndarynyń synyna ushyrady. Politsiia qyzmetkerleri oqiǵaǵa jedel den qoiyp, videoda kórsetilgen Toyota Land Cruiser Prado jáne Subaru Legacy kólikteriniń júrgizýshilerin, sondai-aq, kólik terezesinen denesin shyǵaryp, qaýipti áreketter jasaǵandardy anyqtady. Olar - oblys turǵyndary, 19-22 jas aralyǵyndaǵy jigitter. Olar ákimshilik jaýapkershilikke tartyldy", - dep jazylǵan habarlamada.
