Ispaniianyń Toledo provintsiiasynda eki joǵary jyldamdyqty poiyz soqtyǵysyp, keminde 10 adam qaza tapty, dep habarlaidy dalanews.kz.
Associated Press agenttiginiń málimetinshe, apat sársenbi kúni tańerteń bolǵan. Kastiliia-La-Mancha aimaǵy biliginiń ókili qaza tapqandar sany artýy múmkin ekenin málimdedi.
Aldyn ala málimet boiynsha, apatqa Madridten Seviliaǵa baǵyt alǵan Renfe kompaniiasynyń poiyzy men Iryo jeke kompaniiasynyń poiyzy qatysqan. Poiyzdardyń biri toqtap turǵan ekinshisine artynan soǵylyp, birneshe vagon relsten shyǵyp ketken. Eki vagon temirjol úiindisinen tómen qulaǵan.
Oqiǵa ornyna qutqarýshylar, órt sóndirýshiler, politsiia qyzmetkerleri men meditsina mamandary jiberildi. Zardap shekkenderge kómek kórsetý úshin arnaiy meditsinalyq pýnkt uiymdastyrylǵan.
Apatqa bailanysty Madrid pen Andalýsiia arasyndaǵy júrdek temirjol qatynasy ýaqytsha toqtatyldy. Qazir oqiǵanyń sebepteri anyqtalyp jatyr.
