يسپانييانىڭ تولەدو پروۆينتسيياسىندا ەكٸ جوعارى جىلدامدىقتى پويىز سوقتىعىسىپ, كەمٸندە 10 ادام قازا تاپتى, دەپ حابارلايدى dalanews.kz.
Associated Press اگەنتتٸگٸنٸڭ مەلٸمەتٸنشە, اپات سەرسەنبٸ كٷنٸ تاڭەرتەڭ بولعان. كاستيلييا-لا-مانچا ايماعى بيلٸگٸنٸڭ ٶكٸلٸ قازا تاپقاندار سانى ارتۋى مٷمكٸن ەكەنٸن مەلٸمدەدٸ.
الدىن الا مەلٸمەت بويىنشا, اپاتقا مادريدتەن سەۆيلياعا باعىت العان Renfe كومپانيياسىنىڭ پويىزى مەن Iryo جەكە كومپانيياسىنىڭ پويىزى قاتىسقان. پويىزداردىڭ بٸرٸ توقتاپ تۇرعان ەكٸنشٸسٸنە ارتىنان سوعىلىپ, بٸرنەشە ۆاگون رەلستەن شىعىپ كەتكەن. ەكٸ ۆاگون تەمٸرجول ٷيٸندٸسٸنەن تٶمەن قۇلاعان.
وقيعا ورنىنا قۇتقارۋشىلار, ٶرت سٶندٸرۋشٸلەر, پوليتسييا قىزمەتكەرلەرٸ مەن مەديتسينا ماماندارى جٸبەرٸلدٸ. زارداپ شەككەندەرگە كٶمەك كٶرسەتۋ ٷشٸن ارنايى مەديتسينالىق پۋنكت ۇيىمداستىرىلعان.
اپاتقا بايلانىستى مادريد پەن اندالۋسييا اراسىنداعى جٷردەك تەمٸرجول قاتىناسى ۋاقىتشا توقتاتىلدى. قازٸر وقيعانىڭ سەبەپتەرٸ انىقتالىپ جاتىر.
