قۇرىلتاي دەپۋتاتى اسحات ايماعامبەتوۆ مەملەكەتتٸك سەكتوردا جۇمىس ٸستەيتٸن 300 مىڭنان استام ادامنىڭ جالاقىسىن كٶتەرۋ جوسپارلانىپ وتىرعانىن مەلٸمدەدٸ, دەپ حابارلايدى dalanews.kz.
دەپۋتاتتىڭ ايتۋىنشا, وسى ماقساتتا بيۋدجەت جوباسىنا ٶزگەرٸستەر ەنگٸزٸلٸپ, قوسىمشا قاراجات بٶلٸنەدٸ. جالاقىسى ٶسەتٸندەردٸڭ قاتارىندا ەڭبەك ٶتٸلٸ مەن بٸلٸكتٸلٸگٸ بار شامامەن 77 مىڭ دەرٸگەر دە بار.
«مەملەكەتتٸك سەكتوردا بيۋدجەتتەن جالاقى الاتىن 300 مىڭنان استام ادام بار. قازٸر بيۋدجەت جوباسىنا ٶزگەرٸستەر ەنگٸزٸلٸپ, ولاردىڭ جالاقىسىن كٶتەرۋگە قوسىمشا قاراجات بٶلٸنەدٸ. ەڭبەك ٶتٸلٸ مەن بٸلٸكتٸلٸگٸ بار 77 مىڭعا جۋىق دەرٸگەردٸڭ دە جالاقىسى ٶسەدٸ. بيۋدجەت قازٸر قۇرىلتايدىڭ قاراۋىندا. تٷزەتۋلەردٸ جەدەل ەنگٸزە الامىز, سوندىقتان تٶلەمدەردٸ 1 قاڭتاردان باستاپ جٷزەگە اسىرۋعا بولادى», – دەدٸ اسحات ايماعامبەتوۆ.
