قازاقستان پرەزيدەنتٸ قاسىم-جومارت توقاەۆ ەڭ تٶمەنگٸ جالاقى مٶلشەرٸن 85 مىڭ تەڭگەدەن 100 مىڭ تەڭگەگە دەيٸن ارتتىرۋدى تاپسىردى. بۇل تۋرالى مەملەكەت باسشىسى جولداۋدا مەلٸمدەدٸ, دەپ حابارلايدى dalanews.kz.
پرەزيدەنتتٸڭ ايتۋىنشا, ەڭ تٶمەنگٸ جالاقىنى كەزەڭ-كەزەڭٸمەن كٶتەرۋ جۇمىسى جالعاسادى. وسىعان بايلانىستى ٷكٸمەتكە تيٸستٸ شارالار قابىلداۋ مٸندەتٸ جٷكتەلدٸ.
«ەڭ تٶمەنگٸ جالاقى مٶلشەرٸن كەزەڭ-كەزەڭٸمەن كٶبەيتە بەرەمٸز. ٷكٸمەتكە ەڭ تٶمەنگٸ جالاقىنى 85 مىڭ تەڭگەدەن 100 مىڭ تەڭگەگە دەيٸن كٶتەرۋدٸ تاپسىرامىن», – دەدٸ قاسىم-جومارت توقاەۆ.
سونىمەن قاتار مەملەكەت باسشىسى العاشقى مەديتسينالىق-سانيتارييالىق كٶمەك جٷيەسٸن جاڭعىرتۋ قاجەتتٸگٸن اتاپ ٶتتٸ. ونىڭ سٶزٸنشە, جالپى پراكتيكا دەرٸگەرلەرٸنٸڭ ٶكٸلەتتٸگٸن كەڭەيتٸپ, وسى سالانى قارجىلاندىرۋ كٶلەمٸن بٸرتٸندەپ ارتتىرۋ ماڭىزدى.
پرەزيدەنت ٷكٸمەتكە كەلەر جىلدىڭ 1 قاڭتارىنان باستاپ ۋچاسكەلٸك قىزمەت ماماندارىنىڭ جالاقىسىن ەڭبەك ٶتٸلٸنە قاراي 40 پايىزعا دەيٸن كٶتەرۋدٸ تاپسىردى. بۇل ٶزگەرٸس 77 مىڭنان استام مەديتسينا قىزمەتكەرٸنٸڭ تابىسىن ارتتىرۋعا مٷمكٸندٸك بەرەدٸ.
بۇدان بٶلەك, توقاەۆ ەلەۋمەتتٸك ينفراقۇرىلىمعا جەكە ينۆەستيتسييا تارتۋدىڭ ماڭىزىن اتاپ ٶتٸپ, مەملەكەت پەن جەكەمەنشٸك سەرٸكتەستٸگٸ جوبالارىن تيٸمدٸ ٸسكە اسىرۋدى تاپسىردى. ونىڭ ايتۋىنشا, مۇنداي جوبالاردى جٷزەگە اسىرۋ كەزٸندە شەشٸم قابىلداۋدى سوزبالاڭعا سالماي, رەسٸمدەردٸ جەدەلدەتۋ قاجەت.
