حالىقارالىق ۆاليۋتا قورىنىڭ (حۆق) بولجامىنا سەيكەس, 2031 جىلعا قاراي قازاقستاندا جان باسىنا شاققانداعى جالپى ٸشكٸ ٶنٸم (جٸٶ) 25,54 مىڭ دوللارعا جەتۋٸ مٷمكٸن. بۇل كٶرسەتكٸش بويىنشا قازاقستان ايماقتاعى ەلدەردٸڭ اراسىندا بٸرٸنشٸ ورىنعا شىعۋى ىقتيمال, دەپ حابارلايدى dalanews.kz.
حۆق-نىڭ 2026 جىلعى قازاندا جارييالانعان «ەلەمدٸك ەكونوميكانىڭ دامۋىنا شولۋ» (World Economic Outlook) بايانداماسىندا قازاقستاننىڭ نومينالدى جالپى ٸشكٸ ٶنٸمٸ 397,92 ملرد دوللارعا باعالانعان. بولجام بويىنشا, 2026 جىلى قازاقستاندا جان باسىنا شاققانداعى جٸٶ 19,31 مىڭ دوللاردى قۇرايدى. ال 2031 جىلعا قاراي بۇل كٶرسەتكٸش 25,54 مىڭ دوللارعا دەيٸن ٶسۋٸ مٷمكٸن.
ايماقتاعى ەلدەردٸڭ كٶرسەتكٸشتەرٸ
حۆق بولجامىندا 2026 جەنە 2031 جىلدارعا ارنالعان جان باسىنا شاققانداعى جٸٶ كٶرسەتكٸشتەرٸ مىناداي:
- قازاقستان: 19,31 مىڭ دوللار / 25,54 مىڭ دوللار;
- رەسەي: 19,95 مىڭ دوللار / 18,67 مىڭ دوللار;
- تٷرٸكمەنستان: 12,29 مىڭ دوللار / 16,11 مىڭ دوللار;
- گرۋزييا: 11,23 مىڭ دوللار / 17,92 مىڭ دوللار;
- ارمەنييا: 10,66 مىڭ دوللار / 14,49 مىڭ دوللار;
- ەزەربايجان: 8,5 مىڭ دوللار / 9,76 مىڭ دوللار;
- ۋكراينا: 7,08 مىڭ دوللار / 8,97 مىڭ دوللار;
- ٶزبەكستان: 4,58 مىڭ دوللار / 7,13 مىڭ دوللار;
- قىرعىزستان: 3,62 مىڭ دوللار / 4,88 مىڭ دوللار;
- تەجٸكستان: 2,01 مىڭ دوللار / 2,74 مىڭ دوللار.
كٶرسەتكٸشتەرگە سٷيەنسەك, 2026 جىلى جان باسىنا شاققانداعى جٸٶ كٶلەمٸ بويىنشا رەسەي قازاقستاننان سەل جوعارى تۇر. الايدا حۆق بولجامى بويىنشا, 2031 جىلعا قاراي رەسەيدەگٸ بۇل كٶرسەتكٸش 18,67 مىڭ دوللارعا دەيٸن تٶمەندەۋٸ مٷمكٸن. ال قازاقستاندا ٶسٸم جالعاسىپ, 25,54 مىڭ دوللارعا جەتەدٸ دەپ كٷتٸلەدٸ.
وسىلايشا, بولجام جٷزەگە اسسا, 2031 جىلى قازاقستان جان باسىنا شاققانداعى نومينالدى جٸٶ كٶلەمٸ بويىنشا اتالعان ايماق ەلدەرٸنٸڭ اراسىندا كٶش باستايدى.
