بٸرٸككەن اراب ەمٸرلٸكتەرٸندەگٸ (باە) تانىمال جاعاجايلاردىڭ بٸرقاتارىنا تۋريستەردٸ كٸرگٸزۋگە ۋاقىتشا تىيىم سالىندى. بۇعان تەڭٸز سۋىنا مۇناي تٶگٸلۋٸ سەبەپ بولعان, دەپ حابارلايدى dalanews.kz.
19 قازاندا شاردجا قالاسىندا جەنە ەلدٸڭ باسقا دا ايماقتارىندا جاعىمسىز يٸس تاراعانى تۋرالى حابارلامالار پايدا بولدى. وسىدان كەيٸن بيلٸك ٶكٸلدەرٸ جاعدايدى باقىلاۋ ٷشٸن اۋقىمدى تەكسەرٸس جٷرگٸزە باستادى. 23 قازاندا ماماندار جاعىمسىز يٸستٸڭ تانكەردەن تٶگٸلگەن مۇنايدان شىققانىن راستادى.
مۇناي تٶگٸلگەن كەمەنٸڭ ناقتى اتاۋى رەسمي تٷردە جارييالانعان جوق. الايدا ساراپشىلار سپۋتنيكتەن تٷسٸرٸلگەن سۋرەتتەرگە سٷيەنە وتىرىپ, شابۋىلدان زاقىمدانعان Gem No. 2 كەمەسٸنەن مۇناي اعىپ كەتۋٸ مٷمكٸن ەكەنٸن بولجايدى.
مۇناي داقتارى تۋريستەر جيٸ باراتىن جاعاجايلارعا جاقىنداپ كەلەدٸ. وسىعان بايلانىستى ۋمم-ەل-كۋۆەين قالاسىنداعى جاعالاۋ اۋماقتارى, راس-ەل-حايماداعى بارلىق قوعامدىق جاعاجايلار جەنە شاردجاداعى ەل-حامرييا جاعاجايى جابىلدى.
جاعاجايلاردىڭ قاشان قايتا اشىلاتىنى ەزٸرگە بەلگٸسٸز.
