Birikken Arab Ámirlikterindegi (BAÁ) tanymal jaǵajailardyń birqataryna týristerdi kirgizýge ýaqytsha tyiym salyndy. Buǵan teńiz sýyna munai tógilýi sebep bolǵan, dep habarlaidy dalanews.kz.
19 qazanda Shardja qalasynda jáne eldiń basqa da aimaqtarynda jaǵymsyz iis taraǵany týraly habarlamalar paida boldy. Osydan keiin bilik ókilderi jaǵdaidy baqylaý úshin aýqymdy tekseris júrgize bastady. 23 qazanda mamandar jaǵymsyz iistiń tankerden tógilgen munaidan shyqqanyn rastady.
Munai tógilgen kemeniń naqty ataýy resmi túrde jariialanǵan joq. Alaida sarapshylar spýtnikten túsirilgen sýretterge súiene otyryp, shabýyldan zaqymdanǵan Gem No. 2 kemesinen munai aǵyp ketýi múmkin ekenin boljaidy.
Munai daqtary týrister jii baratyn jaǵajailarǵa jaqyndap keledi. Osyǵan bailanysty Ýmm-ál-Kývein qalasyndaǵy jaǵalaý aýmaqtary, Ras-ál-Haimadaǵy barlyq qoǵamdyq jaǵajailar jáne Shardjadaǵy Ál-Hamriia jaǵajaiy jabyldy.
Jaǵajailardyń qashan qaita ashylatyny ázirge belgisiz.
