Resei men Qytai Marsty zertteýge arnalǵan birlesken missiiany júzege asyrýdy josparlap otyr. Eki el ǵalamshardy zertteýge qajetti ǵylymi quraldar men tehnikany birlesip ázirlemek, dep habarlaidy dalanews.kz.
Bul týraly «Roskosmos» memlekettik korporatsiiasynyń bas direktory Dmitrii Bakanov málimdedi.
«Bizde “Chane-7” birlesken Ai missiiasy bar. Endi Marsty zertteýge arnalǵan birlesken missiiany da bastaimyz. Onyń aiasynda ǵalamshardy zertteýge qajetti quraldar men tehnika jasalady», – dedi ol.
Bakanovtyń aitýynsha, Marsty zertteý jobasy Resei men Qytaidyń ǵarysh salasyndaǵy yntymaqtastyǵynyń negizgi baǵyttarynyń birine ainalmaq.
Qazir eki el ǵaryshty igerý salasynda birneshe iri jobany birlesip júzege asyryp jatyr. Sonyń biri – Halyqaralyq ǵylymi Ai stantsiiasyn (MNLS) qurý bastamasy. Jobaǵa 16 memleket pen eki halyqaralyq uiym qatysady.
