Italiia biligi Milanda bolǵan jappai tártipsizdik pen tonaý oqiǵalarynan keiin qaladaǵy qaýipsizdik sharalaryn kúsheitýdi josparlap otyr. Ministrler kabineti seisenbi kúni qalaǵa 500 áskeri qyzmetkerdi jiberý máselesin qarastyrady. Qaita shabýyl jasalýy múmkin degen qaýipke bailanysty qala ortalyǵyndaǵy dúkender men býtikterdiń ieleri terezelerin taqtaimen bekitip, saýda oryndaryn ýaqytsha jaýyp jatyr, dep habarlaidy dalanews.kz.
Tártipsizdik saldarynan bizneske milliondaǵan eýro shyǵyn kelgen
Demalys kúnderi Milanda júzdegen adam dúkenderdiń vitrinalaryn qiratyp, qoqys jáshikterin tóńkerip, saýda oryndaryn tonaǵan. Zardap shekken nysandardyń arasynda Carrefour sýpermarketteri, Levi’s, Under Armour jáne Decathlon dúkenderi bar.
Aldyn ala esep boiynsha, Milandaǵy kásipkerlerge kelgen shyǵyn 700 myń eýrodan asqan. El boiynsha jalpy shyǵyn 1,6 million eýroǵa jetken.
271 adam ustaldy
Quqyq qorǵaý organdary tártipsizdikke qatysy bar degen kúdikpen 271 adamdy ustaǵan. Olardyń basym bóligi – kámeletke tolmaǵandar.
Narazylyqtarǵa ómir súrý qunynyń ósýi men memlekettik qyzmetter sapasynyń tómendeýi sebep bolǵany habarlandy.
Djordja Meloni qaýipsizdik sharalaryn kúsheitpek
Italiia premer-ministri Djordja Meloni jaǵdaidy quqyq qorǵaý organdarynyń ókilderimen talqylady. Úkimet kámeletke tolmaǵandarǵa qatysty aldyn ala qamaýda ustaý merzimin uzartý, qylmystyq toptarǵa qarsy kúresti kúsheitý jáne qaýipsizdik týraly zańnamany qatańdatý múmkindikterin qarastyryp jatyr.
Qaladaǵy ahýalǵa bailanysty bilik qoǵamdyq tártipti qalpyna keltirý jáne jańa quqyq buzýshylyqtardyń aldyn alý sharalaryn qolǵa alýdy kózdeidi.
