Qazaqstan áýe keńistiginde apat signalyn bergen reseilik S7 áýe kompaniiasynyń ushaǵy Omby qalasyndaǵy qosalqy áýejaiǵa qondy. Quqyq qorǵaý organdary áýe kemesiniń shuǵyl qonýyna ne sebep bolýy múmkin ekenin aitty, dep dalanews.kz tilshisi TASS agenttigine silteme jasap habarlaidy.
Oqiǵa Novosibirsk – Mahachkala baǵyty boiynsha reis oryndap jatqan jolaýshylar ushaǵynda bolǵan.
Áýe kemesi Qazaqstannyń áýe keńistiginde ushyp bara jatqan kezde ekipaj apat signalyn bergen. Keiin ushaq baǵytyn ózgertip, Reseidiń Omby qalasyndaǵy qosalqy áýejaiǵa qonǵan.
Ushaq ne sebepti shuǵyl qondy?
TASS agenttigine quqyq qorǵaý organdaryndaǵy derekkózder ushaqtyń shuǵyl qonýyna qozǵaltqyshtaǵy mai deńgeiiniń tómendeýi sebep bolýy múmkin ekenin habarlaǵan.
"Aldyn ala sebep – qozǵaltqyshtaǵy mai deńgeiiniń tómendeýi. Mundai jaǵdaida ekipaj qosalqy áýejaiǵa baǵyt alýǵa mindetti", – dedi agenttik derekkózi.
Osylaisha, ushqyshtar qozǵaltqysh jumysyna qatysty yqtimal tehnikalyq aqaýǵa bailanysty qosalqy áýejaiǵa qoný týraly sheshim qabyldaǵan.
Ázirge qozǵaltqyshtaǵy mai deńgeiiniń nelikten tómendegeni týraly naqty aqparat jariialanǵan joq.
