قازاقستان ەۋە كەڭٸستٸگٸندە اپات سيگنالىن بەرگەن رەسەيلٸك S7 ەۋە كومپانيياسىنىڭ ۇشاعى ومبى قالاسىنداعى قوسالقى ەۋەجايعا قوندى. قۇقىق قورعاۋ ورگاندارى ەۋە كەمەسٸنٸڭ شۇعىل قونۋىنا نە سەبەپ بولۋى مٷمكٸن ەكەنٸن ايتتى, دەپ dalanews.kz تٸلشٸسٸ تاسس اگەنتتٸگٸنە سٸلتەمە جاساپ حابارلايدى.
وقيعا نوۆوسيبيرسك – ماحاچكالا باعىتى بويىنشا رەيس ورىنداپ جاتقان جولاۋشىلار ۇشاعىندا بولعان.
ەۋە كەمەسٸ قازاقستاننىڭ ەۋە كەڭٸستٸگٸندە ۇشىپ بارا جاتقان كەزدە ەكيپاج اپات سيگنالىن بەرگەن. كەيٸن ۇشاق باعىتىن ٶزگەرتٸپ, رەسەيدٸڭ ومبى قالاسىنداعى قوسالقى ەۋەجايعا قونعان.
ۇشاق نە سەبەپتٸ شۇعىل قوندى?
تاسس اگەنتتٸگٸنە قۇقىق قورعاۋ ورگاندارىنداعى دەرەككٶزدەر ۇشاقتىڭ شۇعىل قونۋىنا قوزعالتقىشتاعى ماي دەڭگەيٸنٸڭ تٶمەندەۋٸ سەبەپ بولۋى مٷمكٸن ەكەنٸن حابارلاعان.
"الدىن الا سەبەپ – قوزعالتقىشتاعى ماي دەڭگەيٸنٸڭ تٶمەندەۋٸ. مۇنداي جاعدايدا ەكيپاج قوسالقى ەۋەجايعا باعىت الۋعا مٸندەتتٸ", – دەدٸ اگەنتتٸك دەرەككٶزٸ.
وسىلايشا, ۇشقىشتار قوزعالتقىش جۇمىسىنا قاتىستى ىقتيمال تەحنيكالىق اقاۋعا بايلانىستى قوسالقى ەۋەجايعا قونۋ تۋرالى شەشٸم قابىلداعان.
ەزٸرگە قوزعالتقىشتاعى ماي دەڭگەيٸنٸڭ نەلٸكتەن تٶمەندەگەنٸ تۋرالى ناقتى اقپارات جارييالانعان جوق.
