2026 جىلعى 21 قازاننان باستاپ قوناەۆ – تالدىقورعان تاسجولىندا كٶلٸكتەردٸڭ ورتاشا قوزعالىس جىلدامدىعىن باقىلاۋ جٷيەسٸ ٸسكە قوسىلادى. وسىلايشا, رەسپۋبليكالىق ماڭىزى بار جولدارداعى مۇنداي باقىلاۋ جٷرگٸزٸلەتٸن ۋچاسكەلەردٸڭ سانى 16-عا جەتەدٸ, دەپ حابارلايدى dalanews.kz.
«قازاۆتوجول» ۇلتتىق كومپانيياسىنىڭ حابارلاۋىنشا, جٷيە كٶلٸكتٸڭ باقىلاۋ اركالارى اراسىنداعى ورتاشا جىلدامدىعىن ەسەپتەيدٸ. كامەرالار كٶلٸكتٸڭ بەلگٸلەنگەن نٷكتەلەردەن ٶتكەن ۋاقىتىن تٸركەيدٸ, سودان كەيٸن جٷرٸپ ٶتكەن قاشىقتىق ەسكەرٸلە وتىرىپ, ورتاشا جىلدامدىق انىقتالادى. سوندىقتان كامەرانىڭ الدىنا جەتكەندە جىلدامدىقتى تٶمەندەتۋ بۇزۋشىلىقتى تٸركەۋدەن قۇتقارمايدى. ەگەر جٷرگٸزۋشٸ باقىلاناتىن جول ۋچاسكەسٸندە بەلگٸلەنگەن شەكتٸ جىلدامدىقتان اسىپ كەتسە, جٷيە زاڭبۇزۋشىلىقتى انىقتاي الادى.
«قازاۆتوجول» دەرەكتەرٸنە سەيكەس, 2026 جىلدىڭ باسىنان بەرٸ رەسپۋبليكالىق ماڭىزى بار اۆتوموبيل جولدارىندا ورتاشا جىلدامدىقتى اسىرۋدىڭ 550 مىڭ دەرەگٸ تٸركەلگەن. ال جىلدامدىقتى بەلگٸلٸ بٸر سەتتە ٶلشەۋ ارقىلى تاعى 163,5 مىڭ زاڭبۇزۋشىلىق انىقتالعان. جالپى, جىلدامدىق رەجيمٸن بۇزۋدىڭ 713 مىڭنان استام دەرەگٸ تٸركەلدٸ.
قازاقستاننىڭ رەسپۋبليكالىق ماڭىزى بار اۆتوموبيل جولدارىندا ورتاشا جىلدامدىقتى باقىلاۋ جٷيەسٸ 2025 جىلعى 17 ناۋرىزدان باستاپ جۇمىس ٸستەيدٸ. باستاپقىدا جٷيە جالپى ۇزىندىعى 3 مىڭ شاقىرىمعا جۋىق اقىلى جولدىڭ 11 ۋچاسكەسٸن قامتىدى. ولار: استانا – ششۋچينسك, استانا – پاۆلودار, استانا – تەمٸرتاۋ, شىمكەنت – قىزىلوردا, شىمكەنت – تاراز, پاۆلودار – سەمەي – قالباتاۋ, ورال – رەسەي شەكاراسى (ساراتوۆ), پاۆلودار – رەسەي شەكاراسى (ومبى), الماتى – قورعاس, كٶكشەتاۋ – پەتروپاۆل جەنە اقتٶبە – قاندىاعاش باعىتتارى.
2026 جىلعى 13 قازاننان باستاپ ورتاشا جىلدامدىقتى باقىلاۋ تاعى تٶرت باعىتتا ەنگٸزٸلدٸ. ولار – ورال – رەسەي شەكاراسى (سامارا), اقتٶبە – رەسەي شەكاراسى (ورىنبور), قوستاناي – دەنيسوۆكا جەنە قاندىاعاش – ماقات تاسجولدارى.
قوناەۆ – تالدىقورعان باعىتى جٷيەگە قوسىلعاننان كەيٸن رەسپۋبليكالىق جول جەلٸسٸندە ورتاشا جىلدامدىق باقىلاناتىن ۋچاسكەلەردٸڭ جالپى سانى 16-عا جەتەدٸ.
ۇلتتىق كومپانييا ٶكٸلدەرٸ باقىلاۋ جٷيەسٸن كەڭەيتۋدٸڭ ماقساتى جول قوزعالىسى قاۋٸپسٸزدٸگٸن ارتتىرۋ, جول-كٶلٸك وقيعالارىنىڭ الدىن الۋ جەنە جٷرگٸزۋشٸلەردٸڭ تەرتٸبٸن قالىپتاستىرۋ ەكەنٸن اتاپ ٶتتٸ. وسىعان بايلانىستى «قازاۆتوجول» جٷرگٸزۋشٸلەردٸ بٷكٸل جول بويىندا بەلگٸلەنگەن جىلدامدىق رەجيمٸن ساقتاۋعا شاقىردى.
