قىزىلوردادا ارال ٶڭٸرٸنٸڭ تابيعاتىن ساقتاۋعا جەنە ەكوجٷيەسٸن قورعاۋعا باعىتتالعان «GREEN ARAL: VOLUNTEERS FOR LIFE 2026» حالىقارالىق ۆولونتەرلەر اپتالىعىنىڭ اشىلۋ رەسٸمٸ ٶتتٸ, دەپ حابارلايدى dalanews.kz.
باستاما مەملەكەت باسشىسى قاسىم-جومارت كەمەلۇلى توقاەۆتىڭ ۇسىنىسىمەن بۇۇ جارييالاعان تۇراقتى دامۋ ماقساتىنداعى حالىقارالىق ۆولونتەرلەر جىلىنا وراي ۇيىمداستىرىلدى.
جيىننىڭ اشىلۋ رەسٸمٸنە وبلىس ەكٸمٸنٸڭ بٸرٸنشٸ ورىنباسارى دانييار جانالينوۆ, قازاقستان رەسپۋبليكاسى مەدەنيەت جەنە اقپارات مينيسترلٸگٸ ازاماتتىق قوعام ٸستەرٸ كوميتەتٸ تٶراعاسىنىڭ ورىنباسارى توعجان زەيدەنوۆا, قازاقستان حالىق كەڭەسٸنٸڭ مٷشەلەرٸ ۆەرا كيم مەن جانار بيمۇراتقىزى, وبلىستىق قوعامدىق كەڭەس تٶراعاسى ناۋرىزباي بايقاداموۆ, سونداي-اق ٶزبەكستان, قىرعىزستان جەنە قازاقستاننىڭ 10 ٶڭٸرٸنەن كەلگەن 100 ۆولونتەر جەنە وبلىستاعى 500-دەن استام بەلسەندٸ ستۋدەنتتەر مەن ەرٸكتٸ جاستار قاتىستى.
جيىندا وبلىس ەكٸمٸنٸڭ بٸرٸنشٸ ورىنباسارى دانييار جانالينوۆ قاتىسۋشىلاردى «GREEN ARAL» حالىقارالىق ۆولونتەرلەر اپتالىعىنىڭ اشىلۋىمەن قۇتتىقتاپ, ۆولونتەرلٸكتٸڭ ەل ٶمٸرٸندەگٸ ماڭىزىنا توقتالدى. 
«بٷگٸنگٸ باسقوسۋدىڭ سىر ٶڭٸرٸندە ٶتۋٸ جەنە اپتالىقتىڭ «GREEN ARAL» دەپ اتالۋى ايرىقشا مەنگە يە. بۇل – قورشاعان ورتانى قورعاۋعا, ەكولوگييالىق مەدەنيەتتٸ قالىپتاستىرۋعا جەنە ارال ٶڭٸرٸنٸڭ تاعدىرىنا دەگەن ورتاق جاۋاپكەرشٸلٸكتٸ سەزٸنۋگە ٷندەيتٸن ماڭىزدى باستاما. ارال مەسەلەسٸ – ەلٸمٸزدٸڭ عانا ەمەس, بٷكٸل ەلەمنٸڭ نازارىنداعى ٶزەكتٸ تاقىرىپ. تابيعاتقا جاناشىرلىق تانىتىپ, ەكولوگييالىق تٷيتكٸلدەردٸڭ شەشٸمٸنە ٷلەس قوسۋ – بارشامىزعا ورتاق مٸندەت. سىر ەلٸنە كەلگەن ساپارلارىڭىز سەتتٸ, جٷزدەسۋلەرٸڭٸز مازمۇندى, باستامالارىڭىز نەتيجەلٸ بولسىن!», – دەدٸ دانييار ەرەنعاليۇلى.
سونداي-اق, ايماقتاعى ۆولونتەرلٸك قوزعالىستىڭ ٶركەندەۋٸنە ٷلەس قوسىپ, قوعامدىق جۇمىستاردا بەلسەندٸلٸك تانىتىپ جٷرگەن بٸرقاتار ازاماتتار وبلىس ەكٸمٸنٸڭ «العىس حاتىمەن» ماراپاتتالدى. شارا اياسىندا قازاقستان رەسپۋبليكاسى مەدەنيەت جەنە اقپارات مينيسترلٸگٸ ازاماتتىق قوعام ٸستەرٸ كوميتەتٸ تٶراعاسىنىڭ ورىنباسارى توعجان زەيدەنوۆا سٶز سٶيلەپ, ۆولونتەرلەر باستامالارىن قولداۋدىڭ ماڭىزىن اتاپ ٶتتٸ.
ال, «ۇلتتىق ۆولونتەرلٸك جەلٸ» تٶراعاسى, قازاقستان حالىق كەڭەسٸنٸڭ مٷشەسٸ ۆەرا كيم قازاقستان حالىق كەڭەسٸنٸڭ تٶراعاسى ەرلان قوشانوۆتىڭ ارنايى قۇتتىقتاۋ حاتىن وقىپ بەردٸ.
اپتالىق جاستار اراسىندا ۆولونتەرلٸك قوزعالىستى دامىتۋعا, ەكولوگييالىق مەدەنيەتتٸ قالىپتاستىرۋعا جەنە حالىقارالىق ىنتىماقتاستىقتى نىعايتۋعا باعىتتالعان.
باعدارلاما بارىسىندا قاتىسۋشىلار تەجٸريبە الماسىپ, ەكولوگييالىق باستامالارىن تانىستىرادى. بۇدان بٶلەك, ولار قورشاعان ورتاعا قاتىستى ٶزەكتٸ مەسەلەلەردٸ بٸرلەسٸپ شەشۋ جولدارىن قاراستىرادى. نەگٸزگٸ ٸس-شارالار قىزىلوردا وبلىسىنىڭ ارال اۋدانىندا ٶتەدٸ.
اپتالىق اياسىندا بەلسەندٸ جاستاردىڭ تەجٸريبە الماسۋ جەنە بٸر-بٸرٸمەن بايلانىسىن نىعايتۋ ماقساتىندا «KZO CAMP: ONE COMMUNITY» رەسپۋبليكالىق ۆولونتەرلەر سلەتٸ دە ٶتتٸ.
«GREEN ARAL: VOLUNTEERS FOR LIFE 2026» حالىقارالىق اپتالىعى جاستاردىڭ, قوعامدىق ۇيىمدار مەن حالىقارالىق سەرٸكتەستەردٸڭ باسىن قوسىپ, ەكولوگييالىق ۆولونتەرلٸكتٸ دامىتۋعا جەنە ارال ٶڭٸرٸنٸڭ تابيعاتىن قورعاۋعا باعىتتالعان باستامالاردى قولداۋعا جول اشادى.
