Qytai biligi eldiń salyq rezidentterinen sheteldik trasttardan túsetin tabysqa 20% salyq ala bastaidy. Bloomberg agenttiginiń habarlaýynsha, jańa talap álemdegi eń bai adamdardyń birqataryna jáne olardyń muragerlerine áser etýi múmkin, dep habarlaidy dalanews.kz.
Agenttik baǵalaýynsha, ózgeris álemdegi eń bai 500 adamnyń segizine jáne olardyń muragerlerine qatysty bolýy yqtimal. Olardyń sheteldegi aktivteriniń jalpy quny 140,2 mlrd dollarǵa baǵalanady.
Olardyń qatarynda NetEase kompaniiasynyń negizin qalaýshy Ýiliam Din men PDD Holdings kompaniiasyn qurǵan Kolin Hýan bar. Bloomberg málimetinshe, Dinniń bailyǵy 37 mlrd dollarǵa, al Hýannyń sheteldegi aktivteri 29 mlrd dollarǵa baǵalanady.
Bul kásipkerlerdiń bailyǵy AQSh pen Gonkong qor birjalarynda saýdalanatyn kompaniialardyń aktsiialarymen bailanysty. Al olardyń aktivterin basqaratyn trasttar ofshorlyq iýrisdiktsiialarda tirkelgen. Bloomberg deregine sáikes, Qytai biligi salyq tóleýshilerge aiyppulsyz esep aiyrysý úshin 22 qazanǵa deiin ýaqyt bergen.
Jańa salyq tártibi shetelde aktivteri bar Qytai rezidentteriniń kiristerine qatysty salyqtyq baqylaýdy keńeitýdi kózdeidi.
