Ózbekstan prezidenti Shavkat Mirziioevtiń kúieý balasy, buryn Prezident qaýipsizdik qyzmeti basshysynyń orynbasary bolǵan Otabek Ýmarov 2023 jyly Birikken Arab Ámirlikteriniń azamattyǵyn alǵan. Bul týraly OCCRP men «Radio Ozodlik» birlesken zertteýinde aityldy, dep habarlaidy dalanews.kz.
Zertteý avtorlarynyń qolyna túsken qujattarǵa sáikes, Otabek Ýmarovqa BAÁ pasporty 2023 jylǵy sáýirde berilgen. Ol kezde Ýmarov Ózbekstan prezidentiniń qaýipsizdik qyzmetinde joǵary laýazymdy qyzmet atqaryp júrgen.
OCCRP málimetinshe, Ózbekstannyń áskeri qyzmet týraly zańnamasynda mundai qyzmettegi áskeri qyzmetshiniń basqa memlekettiń azamattyǵyn alýy qyzmetten bosatýǵa negiz bolýy múmkin. Alaida Ýmarov BAÁ pasportyn alǵannan keiin de shamamen bir jarym jyl qyzmetin jalǵastyryp, tek 2024 jylǵy qarashada laýazymynan ketken.
Jýrnalister Otabek Ýmarovty BAÁ azamattyǵyna kim usynǵanyn anyqtai almaǵan. BAÁ zańnamasyna sáikes, shetel azamattary azamattyqqa óz betinshe ótinish bere almaidy, olardy eldiń joǵary laýazymdy tulǵalary nemese ámirlikterdiń bileýshileri usynýy tiis. OCCRP Ýmarovtyń azamattyǵyna qatysty qujattardyń túpnusqalyǵyn jeke teksergenin málimdedi.
Dýbaida 7 mln dollarlyq 13 páter bar
Zertteýde Ýmarovtyń Dýbaidaǵy jyljymaityn múlki týraly da aitylady.
Dýbaidyń jer reestri men ózge de qujattarǵa súiengen jýrnalister Otabek Ýmarovtyń atyna jalpy quny shamamen 7 mln dollar bolatyn 13 páter tirkelgenin anyqtaǵan.
Onyń 11-i Madinat Jumeirah Living aýdanyndaǵy Jadeel turǵyn úi kesheninde ornalasqan. Taǵy eki páter Downtown Dubai aýmaǵyndaǵy Fountain Views munaralarynda, Dubai Mall men Býrdj-Halifa mańynda ornalasqan.
Zertteý avtorlarynyń málimetinshe, bul múlikter buǵan deiin Otabektiń inisi Oibek Ýmarovtyń atyna tirkelgen. 2025 jyly barlyq 13 nysan Otabek Ýmarovtyń atyna ótken. Alaida jyljymaityn múliktiń satylǵany nemese syiǵa berilgeni anyqtalmaǵan.
Jýrnalister Otabek jáne Oibek Ýmarovtarǵa túsinikteme alý úshin saýal joldaǵan, alaida zertteý jariialanǵanǵa deiin jaýap almaǵan.
Otabek Ýmarov kim?
Otabek Ýmarov – Ózbekstan prezidenti Shavkat Mirziioevtiń kenje qyzy Shahnoza Mirziioevanyń jubaiy.
Ol uzaq jyl boiy Ózbekstan prezidenti qaýipsizdik qyzmeti basshysynyń orynbasary qyzmetin atqarǵan. 2024 jylǵy qarashada bul laýazymnan ketip, Ózbekstan Ulttyq olimpiada komiteti tóraǵasynyń birinshi orynbasary qyzmetine taǵaiyndalǵan.
Sonymen qatar ol sport salasynda birqatar qyzmet atqarady. Atap aitqanda, Aziia Olimpiada keńesiniń Ortalyq Aziia boiynsha vitse-prezidenti jáne Ózbekstan dziýdo federatsiiasynyń basshysy retinde belgili.
OCCRP zertteýinde Ózbekstanda memlekettik qyzmetshilerdiń tabysyn qoǵamǵa ashyq túrde deklaratsiialaý júiesi joq ekeni atap ótiledi. Sondyqtan jýrnalister Dýbaidaǵy 13 jyljymaityn múlikti Ýmarovtyń óz atyna rásimdelgen sheteldegi eń iri rastalǵan aktivteriniń biri dep sipattaidy.
Otabek Ýmarov pen Ózbekstan prezidentiniń ákimshiligi zertteý jariialanǵanǵa deiin BAÁ azamattyǵy men Dýbaidaǵy jyljymaityn múlikke qatysty OCCRP saýaldaryna jaýap bermegen.
