Áleýmettik jelilerde Parijdiń basty kórikti oryndarynyń biri – Eifel munarasy órtke oranǵany beinelengen video men fotolar tarady. Alaida bul kadrlar shynaiy emes. Jelide taraǵan materialdar qoldan jasalǵan vizýaldy effektiler men kompiýterlik grafika arqyly ázirlengen, dep habarlaidy dalanews.kz.
Jalǵan video TikTok platformasynda jariialanyp, keiin X áleýmettik jelisine taraǵan. Kadrlardan Parij aspany aiasynda jalynǵa oranǵan Eifel munarasyn kórýge bolady. Al videoda artqy jaqtan qutqarý qyzmetteriniń sirenasy estiledi.
Jalǵan aqparatqa negiz bolǵan videolardyń biri milliondaǵan qaralym jinaǵan. Tekserý kezinde olardyń birine shamamen 7 million ret qaralǵany belgili bolǵan. Jazba astynda qoldanýshylar oqiǵanyń ras-ótirigin jáne zardap shekkender bar-joǵyn suraǵan. Alaida Eifel munarasynda órt bolǵany týraly aqparat rastalmady. Videolar men fotolar shynaiy oqiǵany beinelemeidi.
Jalǵan video qalai anyqtaldy?
Muny Eifel munarasyn kórsetetin tikelei efirler arqyly tekserýge bolady. Onlain transliatsiialarda órttiń de, onyń saldarynyń da belgileri baiqalmaǵan. Sonymen qatar munaranyń resmi saitynda órtke qatysty eshqandai habarlama jariialanbaǵan. Nysan ádettegi rejimde jumysyn jalǵastyrǵan.
Tekserý barysynda virýstyq videonyń YouTube platformasynda buǵan deiin jariialanǵany anyqtalǵan. Beineroliktiń ataýynda VFX (vizýaldy effektiler) jáne CGI (kompiýterlik grafika arqyly jasalǵan keskinder) belgileri kórsetilgen.
Osylaisha, áleýmettik jelilerde shynaiy oqiǵa retinde usynylǵan kadrlar kompiýterlik tehnologiialardyń kómegimen jasalǵan bolyp shyqty.
