Qyrǵyzstanda 2027 jylǵy prezident sailaýyna qatysýǵa niet bildirgen alǵashqy úmitker belgili boldy. Kásipker Aimen Qasenov Ortalyq sailaý komissiiasyna ózin-ózi usyný tártibimen ótinish tapsyrdy.
Qyrǵyzstan OSK-synyń málimetinshe, Qasenov qujattaryn 14 qazanda ótkizgen. Prezidenttikke kandidattardy usyný merzimi 2026 jylǵy 13 qarashaǵa deiin jalǵasady.
Aimen Qasenov kim?
Aimen Qasenovtiń biznes salasynda shamamen 25 jyldyq tájiribesi bar. Ol buǵan deiin «Gazpromneft-Qazaqstan» kompaniiasynyń bas direktory, Resei-Qyrǵyz damý qory basqarmasynyń múshesi jáne Bishkek qalasy ákiminiń keńesshisi qyzmetterin atqarǵan.
Bul onyń prezidenttik sailaýǵa alǵash ret qatysýy emes. Qasenov 2021 jylǵy sailaýda da kandidat bolǵan.
Sailaý qashan ótedi?
Qyrǵyzstan prezidentiniń kezekti sailaýy 2027 jylǵy 27 qańtarǵa belgilengen. Bul kún Jogorký Keneshtiń 2026 jylǵy 24 qyrkúiektegi qaýlysymen bekitilgen.
Qazirgi prezident Sadyr Japarov ta buǵan deiin kelesi sailaýǵa qatysý nieti bar ekenin málimdegen. Sonymen qatar birneshe qyrǵyzstandyq saiasatker prezidenttikke túsý jospary týraly aitqan, alaida kandidat retinde resmi tirkelý úshin OSK belgilegen rásimderden ótý qajet.
