قىرعىزستاندا 2027 جىلعى پرەزيدەنت سايلاۋىنا قاتىسۋعا نيەت بٸلدٸرگەن العاشقى ٷمٸتكەر بەلگٸلٸ بولدى. كەسٸپكەر ايمەن قاسەنوۆ ورتالىق سايلاۋ كوميسسيياسىنا ٶزٸن-ٶزٸ ۇسىنۋ تەرتٸبٸمەن ٶتٸنٸش تاپسىردى.
قىرعىزستان وسك-سىنىڭ مەلٸمەتٸنشە, قاسەنوۆ قۇجاتتارىن 14 قازاندا ٶتكٸزگەن. پرەزيدەنتتٸككە كانديداتتاردى ۇسىنۋ مەرزٸمٸ 2026 جىلعى 13 قاراشاعا دەيٸن جالعاسادى.
ايمەن قاسەنوۆ كٸم?
ايمەن قاسەنوۆتٸڭ بيزنەس سالاسىندا شامامەن 25 جىلدىق تەجٸريبەسٸ بار. ول بۇعان دەيٸن «گازپرومنەفت-قازاقستان» كومپانيياسىنىڭ باس ديرەكتورى, رەسەي-قىرعىز دامۋ قورى باسقارماسىنىڭ مٷشەسٸ جەنە بٸشكەك قالاسى ەكٸمٸنٸڭ كەڭەسشٸسٸ قىزمەتتەرٸن اتقارعان.
بۇل ونىڭ پرەزيدەنتتٸك سايلاۋعا العاش رەت قاتىسۋى ەمەس. قاسەنوۆ 2021 جىلعى سايلاۋدا دا كانديدات بولعان.
سايلاۋ قاشان ٶتەدٸ?
قىرعىزستان پرەزيدەنتٸنٸڭ كەزەكتٸ سايلاۋى 2027 جىلعى 27 قاڭتارعا بەلگٸلەنگەن. بۇل كٷن جوگوركۋ كەنەشتٸڭ 2026 جىلعى 24 قىركٷيەكتەگٸ قاۋلىسىمەن بەكٸتٸلگەن.
قازٸرگٸ پرەزيدەنت سادىر جاپاروۆ تا بۇعان دەيٸن كەلەسٸ سايلاۋعا قاتىسۋ نيەتٸ بار ەكەنٸن مەلٸمدەگەن. سونىمەن قاتار بٸرنەشە قىرعىزستاندىق ساياساتكەر پرەزيدەنتتٸككە تٷسۋ جوسپارى تۋرالى ايتقان, الايدا كانديدات رەتٸندە رەسمي تٸركەلۋ ٷشٸن وسك بەلگٸلەگەن رەسٸمدەردەن ٶتۋ قاجەت.
