Qarjylyq monitoring agenttiginiń Qyzylorda oblysy boiynsha departamenti elimizdiń 18 óńirinde "Ekspress Zaim" mikroqarjy uiymynda mikrokredit berý kezinde azamattardy jappai aldaýdyń jolyn kesip, alaiaqtyq áreketti áshkereledi, dep habarlaidy dalanews.kz.
Tergeý deregine súiensek, 2024 jyly tamyzda uiym aqyly keńes berý qyzmetin engizgen. Onyń quny qaryz somasyna qarai belgilenip, qaryz alýshynyń negizgi bereshegine qosylǵan.
Kúdikti klientterge bul qyzmettiń aqysyn tólemeiinshe mikrokredit ala almaitynyn nemese qaryzdy qaitarý merzimin uzarta almaitynyn aitqan. Al aqyly qyzmetten bas tartýǵa bolatynyn jasyrǵan.
Saldarynan qaryz alýshylar qolyna tiesili somadan az aqsha alǵanymen, qaryzdy syiaqysymen qosa tolyq qaitarýǵa mindettelgen. Mikrokreditti qaitarý merzimin uzartqan saiyn aqyly keńes berý qyzmeti qaita rásimdelip otyrǵan. Barlyǵy 43 myń azamatpen aqyly keńes berý qyzmetine qatysty 181 myńnan asa shart jasalǵan.
Mikroqarjy uiymy direktorynyń orynbasary úiqamaqqa alyndy. Tergeý jalǵasyp jatyr.
