Máskeý qalasynda Qazaqstan Respýblikasynyń Energetika ministri Erlan Aqkenjenov Resei Federatsiiasy Úkimeti Tóraǵasynyń orynbasary Aleksandr Novakpen kezdesý ótkizdi, dep habarlaidy dalanews.kz.
Kezdesý barysynda taraptar otyn-energetika keshenindegi ekijaqty yntymaqtastyqtyń ózekti máseleleri men perspektivalaryn, sondai-aq energetika salasyndaǵy ózara tiimdi is-qimyldy odan ári damytý múmkindikterin talqylady.
Resei men Qazaqstan arasynda strategiialyq áriptestik pen tatý kórshilik qarym-qatynastar qalyptasqan. Otyn-energetika keshenindegi yntymaqtastyq ekijaqty kún tártibindegi negizgi baǵyttardyń biri bolyp tabylady jáne kópjyldyq birlesken jumys tájiribesine negizdelgen.
Kezdesý sońynda Erlan Aqkenjenov Qazaqstan Respýblikasynyń Prezidenti Qasym-Jomart Toqaevtyń atynan Aleksandr Novakqa II dárejeli «Dostyq» ordenin tabystady. Bul nagrada qoǵamdaǵy ózara kelisimdi saqtaýǵa baǵyttalǵan jemisti jumysy, eki halyq arasyndaǵy beibitshilik, dostyq pen yntymaqtastyqty nyǵaitýǵa qosqan úlesi úshin berildi.
