16 qazanda túski ýaqytta Atyraýdaǵy Yqylas meshitiniń mańynda toi kortejine qatysqan júrgizýshiler jol qozǵalysy erejelerin óreskel buzǵan. Olardyń qaýipti áreketteri joldaǵy ózge adamdardyń ómiri men qaýipsizdigine qater tóndirdi, dep habarlaidy dalanews.kz.
Tekserý barysynda 22, 20 jáne 18 jastaǵy júrgizýshilerdiń qarsy baǵyttaǵy jolaqqa shyǵyp, apattyq jaǵdai týǵyzǵany anyqtaldy. Toyota Camry kóliginiń júrgizýshisi qaýipti manevr jasaǵan. Lada Granta jáne eki Lada Priora kóliginiń júrgizýshileri de jol qozǵalysy talaptaryn buzǵan.
Atap aitqanda, manevr jasaý qaǵidalaryn buzý, qaýipsizdik beldigin taqpaý, kólik basqarý kezinde telefon paidalaný jáne kóliktiń tehnikalyq talaptarǵa sai bolmaýy derekteri tirkeldi. Lada Priora kólikteriniń birin basqarǵan júrgizýshiniń kólik júrgizý quqyǵy bolmaǵan. Avtokólikti oǵan bergen iesine de ákimshilik shara qoldanyldy.
Jol qozǵalysy erejelerin buzǵan úsh kólik arnaiy turaqqa qoiyldy.
