16 قازاندا تٷسكٸ ۋاقىتتا اتىراۋداعى ىقىلاس مەشٸتٸنٸڭ ماڭىندا توي كورتەجٸنە قاتىسقان جٷرگٸزۋشٸلەر جول قوزعالىسى ەرەجەلەرٸن ٶرەسكەل بۇزعان. ولاردىڭ قاۋٸپتٸ ەرەكەتتەرٸ جولداعى ٶزگە ادامداردىڭ ٶمٸرٸ مەن قاۋٸپسٸزدٸگٸنە قاتەر تٶندٸردٸ, دەپ حابارلايدى dalanews.kz.
تەكسەرۋ بارىسىندا 22, 20 جەنە 18 جاستاعى جٷرگٸزۋشٸلەردٸڭ قارسى باعىتتاعى جولاققا شىعىپ, اپاتتىق جاعداي تۋعىزعانى انىقتالدى. Toyota Camry كٶلٸگٸنٸڭ جٷرگٸزۋشٸسٸ قاۋٸپتٸ مانەۆر جاساعان. Lada Granta جەنە ەكٸ Lada Priora كٶلٸگٸنٸڭ جٷرگٸزۋشٸلەرٸ دە جول قوزعالىسى تالاپتارىن بۇزعان.
اتاپ ايتقاندا, مانەۆر جاساۋ قاعيدالارىن بۇزۋ, قاۋٸپسٸزدٸك بەلدٸگٸن تاقپاۋ, كٶلٸك باسقارۋ كەزٸندە تەلەفون پايدالانۋ جەنە كٶلٸكتٸڭ تەحنيكالىق تالاپتارعا ساي بولماۋى دەرەكتەرٸ تٸركەلدٸ. Lada Priora كٶلٸكتەرٸنٸڭ بٸرٸن باسقارعان جٷرگٸزۋشٸنٸڭ كٶلٸك جٷرگٸزۋ قۇقىعى بولماعان. اۆتوكٶلٸكتٸ وعان بەرگەن يەسٸنە دە ەكٸمشٸلٸك شارا قولدانىلدى.
جول قوزعالىسى ەرەجەلەرٸن بۇزعان ٷش كٶلٸك ارنايى تۇراققا قويىلدى.
