Astana - Petropavl tasjolyndaǵy jol apatynan qaza tapqandar sany artty. 20 qazanda aýrýhanada balabaqshanyń 57 jastaǵy tárbieshisi kóz jumdy. Osylaisha, oqiǵa saldarynan qaza tapqandar sany tórt adamǵa jetti, dep habarlaidy dalanews.kz.
Qazaqstan Media basylymy málimetinshe, Audi kóliginde bolǵan 57 jastaǵy jolaýshynyń ómirin saqtap qalý úshin hirýrgtar kúresken.
Áielge alty saǵatqa sozylǵan kúrdeli ota jasalyp, keiin ol ókpeni jasandy jeldetý apparatyna qosylǵan. Alaida dárigerlerdiń bar kúsh-jigerine qaramastan, áieldiń júregi toqtap qalǵan.
Osylaisha, jol apatynan Jambyl aýdanynyń bilim salasynda eńbek etken tórt adam - mektepke deiingi mekeme meńgerýshisi men úsh tárbieshi qaza tapty.
Eske salaiyq, jol apaty 15 qazanda Taiynsha aýdanyna qarasty Kremenchýg aýyly mańynda respýblikalyq mańyzy bar tasjolda bolǵan edi. Jol apaty kezinde kezinde jeti kólik soqtyǵysqan.
