Qazaqstanda 2026 jylǵy qańtar-qyrkúiek ailarynda 136 548 jeńil avtokólik shyǵarylyp, óndiris kólemi ótken jyldyń sáikes kezeńimen salystyrǵanda 38%-ǵa artty, dep habarlaidy dalanews.kz.
«2026 jylǵy qańtar-qyrkúiek ailarynda Qazaqstanda 136 548 jeńil avtokólik óndirildi. Bul 2025 jyldyń sáikes kezeńimen salystyrǵanda 38%-ǵa kóp», – delingen seisenbi kúni jariialanǵan habarlamada.
Biýronyń naqtylaýynsha, qyrkúiek aiynda otandyq kásiporyndar 19 377 jeńil avtokólik shyǵarǵan. Bul ótken jyldyń osy aiyndaǵy kórsetkishten 66,4%-ǵa, al 2026 jylǵy tamyzdaǵy nátijeden 35,5%-ǵa joǵary.
Jariialanǵan málimetterge sáikes, Qazaqstanda avtomobil óndirisimen 12 kásiporyn ainalysady. Óndiristik qýattardyń basym bóligi Qostanai jáne Almaty oblystarynda shoǵyrlanǵan. Jalpy óndiris kólemindegi Qostanai oblysynyń úlesi 50,5%-dy, al Almaty oblysynyń úlesi 49,5%-dy qurady.
Aqshalai mánde «Avtomobilder, tirkemeler jáne jartylai tirkemeler» sanatyndaǵy ónerkásip óndirisiniń kólemi toǵyz aida 1,67 trln teńgege jetti. Ulttyq statistika biýrosynyń dereginshe, osy segmenttegi ónerkásiptik óndiris indeksi 2025 jylǵy qańtar-qyrkúiek kezeńimen salystyrǵanda 129,9% boldy.
Qyrkúiek aiynda óndirilgen ónimniń quny 198,4 mlrd teńgeni qurady. Bul kórsetkish tamyz aiymen salystyrǵanda 25,7%-ǵa, al 2025 jylǵy qyrkúiekpen salystyrǵanda 10,5%-ǵa ósti.
